Llwybrau Proffesiynol yw rhaglen ddatblygu a hyfforddiant estynedig newydd Theatr Cenedlaethol Ieuenctid Cymru. Fe’i lansiwyd yn 2020 mewn partneriaeth gyda Theatr Clwyd, mewn cydweithrediad â Chanolfan Mileniwm Cymru ac artistiaid a chwmnïau theatr Cymreig blaenllaw eraill.

Mae pob rhaglen naw mis o hyd yn rhoi cyfle unigryw i bobl ifanc 16-22 oed ddatblygu eu sgiliau perfformio, cefn llwyfan a theatr, trwy fynediad ecsgliwif i brosesau ymarfer, cynhyrchu a pherfformio cwmnïau theatr proffesiynol sy’n gweithio yng Nghymru. Bydd pob penwythnos preswyl neu ddiwrnod hyfforddi’n canolbwyntio ar sgiliau penodol yn cynnwys techneg perfformio, dylunio setiau, gwisgoedd a goleuo, ysgrifennu sgriptiau, hygyrchedd o fewn perfformio a marchnata a rhaglennu theatr.

Caiff cnewyllyn y rhaglen Llwybrau Proffesiynol ei redeg mewn partneriaeth gyda Theatr Clwyd a’i hamserlennu o gwmpas ymarferion a pherfformiadau eu tymor o gynyrchiadau, fydd yn cynnig mynediad i aelodau ThCIC i’w cast a’u timau creadigol. Mae rhaglen Llwybrau Proffesiynol TCIC wedi cydweithio gyda Chanolfan Mileniwm Cymru, Theatr Genedlaethol Cymru, Coleg Brenhinol Cerdd a Drama Cymru, Cwmni Theatr Taking Flight, Theatr y Sherman, Cwmni Theatr Hijinx a Stiwdio Darkfield ymysg eraill, ar becynnau cerwch-i-weld, gweithdai a dosbarthiadau meistr.

Gyda mynediad unigryw i’r cynyrchiadau theatr mwyaf cyffrous ledled Cymru, mae’r rhaglen yn agored i’r rheini fydd yn dod am glyweliad gyda Theatr Cenedlaethol Ieuenctid Cymru. Mae wedi ei dylunio hefyd i gyflwyno perfformwyr ifanc i’r ystod gyflawn o yrfaoedd sydd ar gael ym myd y theatr, gan gynnwys ysgrifennu, rheoli llwyfan a dylunio theatr.