RHOI YN EICH EWYLLYS

Gadael etifeddiaeth hirhoedlog

Trwy adael rhodd yn eich ewyllys, gallwch wneud gwahaniaeth hirhoedlog i genedlaethau o artistiaid Cymreig ifanc i’r dyfodol.  Gall rhodd yn eich ewyllys, o ba bynnag faint, helpu Celfyddydau Cenedlaethol Ieuenctid Cymru i gynnig cyfleoedd neilltuol i’n perfformwyr ifanc mwyaf disglair, a sicrhau y gall y mwyaf dawnus ddatblygu eu sgiliau ar y lefel uchaf, waeth beth fo’u cefndir neu eu sefyllfa ariannol.   

Mae pob rhodd yn werthfawr a bydd yn cael effaith aruthrol ar ein gwaith, waeth beth ei maint.  Gellid ei gadael ar gyfer ein Cronfa Bwrsariaethau, ar gyfer un o’n hensembles unigol, neu gallai gefnogi ein prosiectau canfod-talentau.  Mae croeso ichi gysylltu a byddwn yn hapus iawn i drafod y mater hwn gyda chi. 

Os ydych eisoes wedi enwi Celfyddydau Cenedlaethol Ieuenctid Cymru yn eich ewyllys, diolch ichi.  Byddem yn falch iawn i gynnig ein gwerthfawrogiad yn swyddogol am eich rhodd hael.  Os byddech cystal â chwblhau ein ffurflen addewid o rodd (gallwch ddweud cymaint neu gyn lleied ag a fynnwch wrthym) a’i dychwelyd atom yn y cyfeiriad a nodir ar y ffurflen. 

I drafod eich dymuniadau gyda ni yn gyfrinachol, neu os oes gennych chi unrhyw gwestiynau am adael rhodd, anfonwch neges e-bost at nyaw@nyaw.org.uk neu ffoniwch 029 2280 7420.

Lawrlwythwch ffurflen addewid o rodd
Cwblhewch y Ffurflen Addewid o Rodd ar-lein

Cwestiynau Cyffredin

  • Ydi, a byddem yn falch iawn i glywed eich bod wedi gadael rhodd i ni, ond rydym yn sylweddoli bod ewyllys yn fater hynod breifat a phersonol. Caiff unrhyw wybodaeth a roddwch i ni ei thrin yn gwbl gyfrinachol ac nid yw’n rhwymo mewn cyfraith.

    Byddem yn falch dros ben cael cyfle i fynegi ein diolch tra eich bod dal yn fyw, ac i anfon y newyddion diweddaraf atoch am Gelfyddydau Cenedlaethol Ieuenctid Cymru. Ond mae croeso ichi aros yn ddienw, os oes well gennych.

  • Gallwch. Mae ychwanegu codisil i’ch ewyllys yn fater syml. Gall eich cyfreithiwr eich cynghori ar hyn.

  • Gallwch. Un o’r pethau gwych am ysgrifennu ewyllys yw y gallwch adael canran bychan yn hytrach na swm penodol. Wedi ichi ofalu am eich teulu a’ch ffrindiau, bydd gadael canran o weddill eich ystâd yn ffordd wych o wneud gwahaniaeth i achos sy’n bwysig i chi. Yn ogystal, ni chaiff y ganran hon ei heffeithio gan chwyddiant.

  • Gallwch. Gellir gwneud rhodd i goffáu eich enw chi, neu i anrhydeddu enw un o’ch teulu neu eich ffrindiau. Gallwch roi gwybod inni am eich dymuniadau ymlaen llaw trwy gwblhau ffurflen addewid o rodd.

  • Gallwch, wrth gwrs. Rydym yn hapus i drafod gyda chi i ble yr hoffech gyfeirio eich rhodd a sut y gallem wneud y defnydd gorau ohoni un ai gydag un o’r ensembles, un o’n prosiectau datblygu, neu’n fwy cyffredinol.

  • Dylid cyfeirio unrhyw rodd at “Celfyddydau Cenedlaethol Ieuenctid Cymru, Swyddfa 202, 2il Lawr, Tŷ Trafalgar, 5 Plas Fitzalan, Caerdydd, CF24 0ED. Elusen gofrestredig (rhif 1170643)”.

    Os hoffech drafod rhywbeth nad ydym wedi cyfeirio ato yma, cysylltwch gyda David Hopkins fydd yn hapus i’ch helpu i greu geiriad sy’n gweddu i chi.

  • Gallwch. Fel elusen gofrestredig (rhif 1170643), byddwn yn ddiolchgar i dderbyn rhoddion gan bawb, waeth os oeddech yn aelod ai peidio neu eich bod am gefnogi’r genhedlaeth nesaf o bobl ifanc. Waeth beth yw eich cyswllt gyda ni, byddem yn gwerthfawrogi bod yn gymyndderbyniwr yn eich ewyllys a chael dod i’ch adnabod yn well.

  • Pan ddaw’n fater o dreth etifeddiant, byddem yn eich cynghori i ofyn am wybodaeth bellach gan Gyllid a Thollau EM. Gallwch hefyd eu galw yn y Ganolfan Gyswllt Gymraeg 0300 200 1900.

Ein haddewid cymynrodd i chi 

  • Byddwn yn gwario’r rhoddion y byddwch yn eu hymddiried i ni yn ddoeth, fel eu bod yn cael yr effaith mwyaf ar gyfer artistiaid ifanc ledled Cymru. 

  • Fyddwn ni ddim yn rhoi unrhyw bwysau arnoch chi - rydym yn sylweddoli bod hwn yn benderfyniad pwysig a byddwn yn gadael ichi benderfynu yn eich amser eich hun. 

  • Ffrindiau a theulu sy’n dod gyntaf.  Rydym yn parchu hynny a fyddwn ni ddim yn ceisio newid hynny. 

  • Rydym yn sylweddoli y gall amgylchiadau newid a byddwn yn deall os byddwch angen newid eich meddwl. 

  • Byddwn yn trin eich teulu a’ch perthnasau agosaf mewn modd parchus a sensitif.  

  • Os hoffech i’ch rhodd gael ei defnyddio mewn maes neu wasanaeth sy’n bwysig i chi, cofiwch roi gwybod inni ac fe drefnwn i hynny ddigwydd cyn belled â bo modd. 

  • Byddwn yn ateb eich cwestiynau’n onest ac mor fuan â phosibl. 

  • Os dywedwch eich bod am glywed llai gennym, neu ddim o gwbl, fe wnawn wrando. 

  • Ni fyddwn yn gwerthu nac yn rhannu eich gwybodaeth bersonol gydag unrhyw un. 

  • Byddwn yn glynu at y Côd Ymarfer Codi Arian a gyhoeddir gan y Rheoleiddiwr Codi Arian. 

Byddwn yn croesawu eich adborth bob amser, felly cofiwch roi gwybod inni sut yr ydym yn gwneud trwy e-bostio nyaw@nyaw.org.uk neu alw 029 2280 7420 .  

Rydym yn addo gwrando a gweithredu ar yr hyn ddywedwch wrthym.