THEATR CENEDLAETHOL IEUENCTID CYMRU

TROSOLWG

Mae Theatr Cenedlaethol Ieuenctid Cymru yn gweithio gyda phartneriaid a phobl broffesiynol yn y diwydiant i gynnig cyfleoedd hyfforddi a pherfformio o'r radd flaenaf i rai o'n pobl ifanc fwyaf talentog.  

Ers bron 45 mlynedd, mae'r rhaglen flaengar yma ar gyfer theatr ieuenctid wedi meithrin doniau ac uchelgais miloedd o bobl ifanc drwy ddarparu perfformiadau amrywiol a rhai sy'n cymryd risg ochr yn ochr â rhaglenni hyfforddi sy'n adeiladu llwybrau i'r diwydiannau creadigol. 

Mae'r Theatr Ieuenctid yn falch o'i rhestr ddisglair o gyn-aelodau sydd wedi mynd ymlaen i ragori fel perfformwyr, ysgrifennwyr, cyfarwyddwyr, rheolwyr llwyfan a chynhyrchwyr, gan gynnwys Michael Sheen, Morfydd Clarke, Matthew Rhys, Ruth Jones, Rakie Ayola a Caroline Sheen ymysg eraill.  

Rydyn ni wedi ymrwymo i roi'r llwyfan i bobl ifanc rhwng 16 a 22 oed ffynnu beth bynnag fo'u cefndir a'u hamgylchiadau, ac rydyn ni'n ymfalchïo yn y ffaith ein bod yn darparu rhaglen ddwyeithog o weithgarwch ar gyfer ein haelodau sydd wedi'i gwreiddio mewn rhagoriaeth.   

BETH MAE BOD YN AELOD O THEATR CENEDLAETHOL IEUENCTID CYMRU YN EI FEDDWL? 

Bob blwyddyn rydyn ni'n cynnal clyweliadau ledled Cymru ac mae'r bobl ifanc lwyddiannus yn dod yn aelod o'r Theatr Ieuenctid am chwech mis. Mae bod yn aelod yn golygu eich bod yn cael cyfle I fod yn rhan.o gynhyrchiad haf ThCIC, ymarfer a pherfformio ar lefel cynhyrchiad proffesiynol, cyfnod preswyl penwythnos yn meithrin sgiliau, dosbarthiadau meistr blaenllaw a chyfle i weithio ar y cyd â rhai o'r prif ymarferwyr sy'n gweithio yn y diwydiant heddiw. Mae bod yn aelod o'r Theatr Ieuenctid hefyd yn caniatáu i ti gryfhau dy hyder a rhwydweithiau creadigol a phroffesiynol, i gael cynigion gostyngol unigryw ar docynnau, i wneud ffrindiau newydd ac i gael cyfle i fwynhau'r rhaglen gymdeithasol o weithgarwch amrywiol. 

AELODAETH THCIC 2024

Unwaith eto bydd ThCIC yn partneru â rhai o artistiaid, cwmnïau theatr a chelfyddydol mwyaf uchel eu pharch a chyffrous  Cymru a thu hwnt. Byddwn yn cynnig cyfleon o gyfnodau preswyl perfformio a hyfforddiant, dosbarthiadau meistr, gweithdai arlein a chyfleuon i gyfarfod a chysylltu gyda chyd-aelodau ThCIC yn ystod y flwyddyn.  

Mae dau fath o aelodaeth ThCIC ar gael o fewn rhaglen 2024. Bydd y rhai sy’n llwyddianus yn cael clyweliad a chynnig UN o’r cynigion aelodaeth yma:   

Aelodaeth Cast & Llwybrau Proffesiynol NEU  Aelodaeth Llwybrau Professiynol 

RHAGLEN THCIC 2024

Cynhyrchiad Haf

Cynhyrchiad theatr ddwyiethog newydd sbon mewn partneriaeth â Theatr Genedlaethol Cymru a Fio.   Mae’r cyfle yma ar gyfer aelodau o’r Cast Ensemble. 

Gan gydweithio gyda’r ddau gwmni dynamig yma o dan gyfarwyddyd artistig Dr Sita Thomas a Steffan Donnelly, byddwn ni’n comisiynu ysgrifennu newydd yn y Gymraeg a’r Saesneg yn benodol ar gyfer aelodau ein cast ensemble. Bydd y cast yn ymarfer gyda thîm creadigol a chynhyrchu proffesiynol yn ystod ein cyfnod preswyl ym mis Awst gyda pherfformiadau cyhoeddus yng Ngogledd a De Cymru yn gynnar ym mis Medi*.

Bydd y cyfnod ymarfer dwys hwn yn cyd-redeg gyda rhaglen lawn ac amrywiol o gyfleoedd cymdeithasol, lles, a datblygiad proffesiynol.  

*Bydd CCIC yn cysylltu ag unrhyw ysgolion neu golegau I drefnu caniatâd i aelodau fynychu yn ystod cyfnod tymor addysgol. 


Llwybrau Proffesiynol

Mewn partneriaeth â Theatr Clwyd. Mae’r cyfle yma ar agor i bob aelod o ThCIC 2024. 

Mae’r rhan boblogaidd ac allweddol hon o gynnig Aelodaeth ThCIC yn cynnig cyfle unigryw I feithrin sgillau a gwybodaeth perfformio, cefn llwyfan a diwydiant. Mewn partneriaeth â Theatr Clwyd ac mewn cydweithrediad a Chanolfan Mileniwm Cymru. Cynhelir y Rhaglen Llwybrau Proffesiynol ar ffurf cwrs preswyl tri-diwrnod yn Theatr Clwyd gyda mynediad dwys i’r tîmau tu ôl i un o’u cynhyrchiadau hâf allweddol “Rope”, a thros ddiwrnodau hyfforddiant achlysurol ynghyd â gweithdai ar-lein. Bydd y rhaglen yn cynnwys yr elfennau canlynol: 

  • Hyfforddiant a Dosbarthiadau sgiliau perfformio ar gyfer y llwyfan a’r sgrîn 

  • Sgiliau Cefn Llwyfan - e.e. Dylunio Golygfeydd a Gwisgoedd, Goleuo, Dylunio Sain a Rheoli Llwyfan 

  • Cefnogaeth 'Parod am Glyweliad' i’r rheini sy’n mynd ar glyweliadau am rolau neu i ysgolion a cholegau drama 

  • Cyfleoedd Creu Theatr  

  • Cipolwg ar y Diwydiant 

  • Tripiau i weld perfformiadau gan gynnwys trip I weld Nye gan Ganolfan Mileniwm Cymru a’r National Theatre gyda diwrnod cysylltiedig o weithdai yng Nghaerdydd  

Caiff y rhaglen llawn ei chadarnhau gydag unrhyw gynnig aelodaeth. 

DYDDIADAU ALLWEDDOL 

28 Mehefin – 1 Gorffennaf: Cwrs Preswyl 3 Dydd Llwybrau Proffesiynol yn Theatr Clwyd, Gogledd Cymru. 

19 Awst – 7 Medi: Ymarferion Preswyl ar gyfer y Cast Ensemble yng Nghaerfyrddin gyda thaith perfformio sioe hâf ThCIC yn Ne a Gogledd Cymru. 

Ebrill – Gorffennaf: Amserlen lawn o weithdai ychwanegol a diwrnodau hyfforddiant yn Ne a Gogledd Cymru ac arlein â fydd yn cael ei rannu gyda’r cynigion aelodaeth  

COST

Aelodaeth Ensemble Cast: £790 (yn cynnwys gweithgareddau Llwybrau Proffesiynol) Aelodaeth Llwybrau Proffesiynol: £250 (yn cynnwys y cwrs preswyl a phob gweithdy a chynnig â gynhelir dros y 6 mis)  

Mae eich tâl aelodaeth yn cynnwys yr holl gostau hyfforddi, llety, bwyd a lluniaeth, teithio yn ystod y cyrsiau preswyl a gweithgareddau cymdeithasol. Diolch i gefnogaeth hael ein cyllidwyr a’n cefnogwyr, mae Celfyddydau Cenedlaethol Ieuenctid Cymru’n sybsideiddio cyfran sylweddol o gostau bod yn aelod o un o’r ensembles ieuenctid cenedlaethol. 

Gallai ein Cronfa Bwrsariaeth helpu i dalu am rywfaint neu eich tâl aelodaeth i gyd, fel na fydd unrhyw un yn cael ei rwystro rhag ymgeisio am le gydag Ensembles CCIC am resymau ariannol. Os yw eich incwm teuluol yn llai na £70,000, gallech fod yn gymwys i dderbyn cymorth ariannol.  

Cronfa Bwrsariaeth

Yn ogystal, gyda chefnogaeth Ymddiriedolaeth Leverhulme, gallwn gynnig ildiad Ffïoedd llawn a chymorth ychwanegol tuag at gostau teithio a chostau eraill sy’n gysylltiedig ag aelodaeth CCIC i’r rheini sydd ei angen fwyaf. Ymwelwch â CHRONFA BWRSARIAETH CCIC am wybodaeth lawn, yn cynnwys sut i hawlio cymorth tuag at gostau clyweliadau a thâl aelodaeth. 

Cymhwysedd

Mae ceisiadau i CCIC yn agored i bobl sy'n byw / astudio yng Nghymru neu a aned yng Nghymru.   

Ar gyfer aelodaeth 2024, rhaid i'r cyfranogwyr fod rhwng 16 a 22 oed ar 31 Awst 2024. 

Er ein bod yn chwilio am bobl ifanc sy’n arddangos doniau a photensial eithriadol, nid ydym yn gofyn am unrhyw gymwysterau ffurfiol na lefel profiad penodol a ’does dim rhaid iti fod yn astudio drama yn yr ysgol neu’r coleg i ymgeisio. Rydym yn chwilio am y bobl hynny sy’n angerddol am archwilio a chydweithio gydag eraill fel perfformiwr ac sydd wedi ymroi i ddatblygu eu sgiliau a’u diddordeb yn y theatr. 

Mae CCIC yn cadw'r hawl i wahardd unrhyw un rhag cymryd rhan yn ei ensemblau yn ôl ei ddisgresiwn rhesymol, i'w harfer gan uwch staff neu ymddiriedolwyr.

Am fanylion llawn o beth i’w ddisgwyl mewn clyweliad TCIC a beth sydd angen ei baratoi, ewch i’n tudalen clyweliadau.