DAWNS GENEDLAETHOL IEUENCTID CYMRU
TROSOLWG
Mae Dawns Genedlaethol Ieuenctid Cymru (DGIC) yn cynnig cyfleoedd hyfforddi a pherfformio o'r radd flaenaf i rai o'n dawnswyr ifanc mwyaf talentog.
Mae'n tynnu ar egni a brwdfrydedd pobl ifanc dros ddawns a dawnsio, ac yn ei droi'n rym creadigol, cyfoes sy'n dathlu'r gorau o fyd dawns ieuenctid yng Nghymru heddiw.
Ers ei sefydlu yn 2000, mae Dawns Genedlaethol Ieuenctid Cymru wedi gweithio gyda rhai o goreograffwyr gorau gwledydd Prydain, gan gynnwys Wayne McGregor, Henri Oguike, Errol White, Theo Clinkard, Odette Hughes, Kerry Nicholls, Caroline Finn, Laila Diallo, Arielle Smith, Lea Anderson MBE a Mario Bermúdez.
Mae cofrestriadau ar gyfer clyweliadau Dawns Genedlaethol Ieuenctid Cymru
2026 bellach ar agor!
Bydd aelodau DGIC 2026 yn cydweithio â choreograffydd gwadd a thîm o diwtoriaid dawns eithriadol i greu gwaith newydd beiddgar sy'n arddangos pŵer a photensial dawnswyr ifanc Cymru. Trwy gyfuniad bywiog o hyfforddiant technegol lefel uchel ac archwilio creadigol dychmygus, bydd dawnswyr yn adeiladu'r sgiliau sydd eu hangen ar gyfer y llwyfan a'r sgrin - wrth siapio, mireinio a dathlu eu lleisiau artistig unigryw eu hunain.
Uchafbwyntiau DGIC 2024…
Gwyliwch "DGIC 2024 Yn sitwdio gyda Yukiko Masui"
Gwyliwch “The Night is Darker Just Before the Dawn”