Dawns Genedlaethol Ieuenctid Cymru’n troi’n…

 
Yn 2025, bydd Dawns Genedlaethol Ieuenctid Cymru (DGIC) yn dathlu 25 mlynedd o rymuso dawnswyr ifanc a darparu cyfleoedd dawns rhagorol i ddawnswyr ifanc ledled Cymru. I ddathlu’r garreg filltir hon, mae CCIC yn cynnig menter genedlaethol i ddathlu hanes cyfoethog DGIC, gan roi sylw i’w chyn aelodau a chyfranwyr, ac ysbrydoli cenedlaethau’r dyfodol o ddawnswyr. Bydd y prosiect yn anrhydeddu hanes DGIC, tra’n arddangos ei gweledigaeth arloesol ar gyfer dyfodol dawns yng Nghymru. 

1. Arddangosfa a Gweithdai sy’n Teithio'n Genedlaethol 

Bydd DGIC yn mynd ag arddangosfa ddynamig a rhyngweithiol i leoliadau ar draws Cymru, gan gynnwys theatrau, mannau cymunedol a llyfrgelloedd. Bydd pob lleoliad ar hyd y daith yn cynnal gweithdy dawns DGIC am ddim, dan arweiniad cyn disgyblion a staff DGIC, gan roi cyfle i gyfranogwyr gysylltu a darganfod gwefr dawnsio. 

Bydd yr Arddangosfa’n Cyflwyno: 

• Arddangosfa Wisgoedd 

• Fideos o Berfformiadau 

• Byrddau Gwybodaeth Rhyngweithiol 

• Astudiaethau Achos Cyn Disgyblion 

• Llinell Amser Hanes DGIC. 

Gweithdai: 

Bydd pob lleoliad yr arddangosfa yn cynnal gweithdy dawns dwy awr o hyd ar gyfer hyd at 30 o gyfranogwyr. Bydd y sesiynau, dan arweiniad cyn disgyblion a hwyluswyr DGIC, yn dathlu darpariaeth dawns a phrosesau creadigol y sefydliad. Lleoliadau a dyddiadau i’w cadarnhau.  

Sut fyddwn ni’n dathlu 25 Mlynedd o DGIC? 
 

2. Rhaglen arbennig i Ddathlu Dawns Genedlaethol Ieuenctid Cymru (DGIC) 

Byddwn yn cyhoeddi rhaglen arbennig i ddathlu 25 mlynedd, er mwyn anrhydeddu pawb sydd wedi bod yn rhan o DGIC dros y blynyddoedd. Bydd y rhaglen yn adnodd ar gyfer cenedlaethau’r dyfodol. Ynddi bydd delweddau anhygoel o’n perfformiadau, cyfweliadau ecsgliwsif gyda choreograffwyr a chyn disgyblion, darluniau nas gwelwyd erioed o’r blaen o’n gwisgoedd ysblennydd, a llawer mwy! Bydd y cyhoeddiad yn gofnod o waddol DGIC ac yn ganllaw i egin ddawnswyr, addysgwyr y celfyddydau a chefnogwyr.

3. Perfformiadau yn Llundain a Chasnewydd  

Bydd Cwmni DGIC yn 25 yn perfformio coreograffi arbennig yn Sadler’s Wells, Llundain, ar 25 Gorffennaf, ar yr un noson â Chwmni Dawns Genedlaethol Ieuenctid yr Alban a Chwmni Dawns Genedlaethol Ieuenctid (Lloegr). Bydd cwmni DGIC yn dychwelyd i Gymru ac yn perfformio’n fyw yng Nglan-yr-afon, Casnewydd, 30 a 31 Hydref 2025.  

4. Parti dathlu 25 mlynedd o DGIW! 

Ymunwch â ni ar gyfer dathliad gyda chacen a diodydd, am gyfle i ailgysylltu ag aelodau DGIC a chyn disgyblion. Lleoliad a dyddiad i’w cadarnhau.

Petaech am helpu i gefnogi cynlluniau Pen-blwydd Dawns Genedlaethol Ieuenctid Cymru yn 25, e-bostiwch jamiejenkins@nyaw.org.uk os gwelwch yn dda.

Oeddech chi’n rhan o DGIC? Dathlwch gyda ni!  
 
Rhannwch eich enw, eich lleoliad a’r flwyddyn y buoch chi’n rhan o DGIC – ac os oes gennych chi luniau neu fideos, byddem ni wrth ein boddau’n eu gweld nhw! 

Mae cofrestriadau ar gyfer clyweliadau 2025 Dawns Genedlaethol Ieuenctid Cymru bellach AR GAU!

Daeth cofrestriadau ar gyfer Dawns Genedlaethol Ieuenctid Cymru i ben ar
16 Chefror 2025.

Uchafbwyntiau DGIC 2024…