Ysbrydolwch eich myfyrwyr gyda Celfyddydau Cenedlaethol Ieuenctid Cymru
Yng Nghelfyddydau Cenedlaethol Ieuenctid Cymru, rydym ni’n cefnogi pobl ifanc i ddatblygu eu talent a'u creadigrwydd drwy gyfleoedd perfformio a hyfforddi dwyieithog o ansawdd uchel ledled Cymru.
P'un a yw eich myfyrwyr yn newydd i'r celfyddydau neu'n perfformio ar lefel uchel, mae lle iddynt yn ein ensembles cenedlaethol neu brosiectau creadigol.
Ein Ensembles Cenedlaethol
Theatr Genedlaethol Ieuenctid Cymru (CCIC)
Cyrsiau preswyl creadigol lle mae perfformwyr a gwneuthurwyr theatr yn hyfforddi, yn cydweithio ac yn ymarfer cynyrchiadau llwyfan dan arweiniad proffesiynol.
Cerddorfa Genedlaethol Ieuenctid Cymru (CGIC)
Cyrsiau preswyl dwys a chyngherddau ar gyfer offerynwyr ifanc, dan arweiniad cerddorion o'r radd flaenaf.
Band Pres Cenedlaethol Ieuenctid Cymru (BPCIC)
Rhaglen lefel uchel ar gyfer cerddorion pres ifanc, sy'n cynnig hyfforddiant arbenigol a chyfleoedd perfformio.
Côr Cenedlaethol Ieuenctid Cymru
Profiad corawl o ansawdd uchel lle mae cantorion ifanc yn datblygu eu sgiliau lleisiol o dan arweiniad arweinwyr adnabyddus.
Dawns Genedlaethol Ieuenctid Cymru (DGIC)
Rhaglen hyfforddi a pherfformio proffesiynol deinamig sy'n cynnig mynediad i artistiaid dawns a choreograffwyr blaenllaw, gyda ffocws cryf ar ddatblygu techneg ddawns, llais artistig, ac ymarfer cydweithredol.
Prosiectau Creadigol
Rydym ni hefyd yn cynnal prosiectau cyffrous drwy gydol y flwyddyn sy'n helpu hyd yn oed mwy o bobl ifanc ledled Cymru i gael mynediad i'r celfyddydau:
Assemble – Gweithdai a digwyddiadau creadigol ar gyfer ysgolion nad ydynt yn brif ffrwd, gan rymuso dysgwyr anabl a niwroamrywiol.
Criw Creu Newid – Cydweithfa dan arweiniad ieuenctid sy'n llunio dyfodol sector celfyddydau Cymru.
Llinynnau Ynghlwm – Gweithdai meithrin sgiliau ar gyfer chwaraewyr llinynnol (Gradd 4+).
Sgiliau Côr – Prosiect datblygu ar gyfer cantorion ifanc 14–18 mlwydd oed, sy'n canolbwyntio ar hyder, techneg a chanu ensemble.
Llwybrau Proffesiynol – Hyfforddiant mewn perfformio, sgiliau cefn llwyfan, crefft llwyfan, ysgrifennu a chreu theatr mewn partneriaeth â sefydliadau celfyddydol mawr Cymru.
Rydym ni wedi ymweld â dros 25 o Ysgolion yn 2025!
Yn gynharach eleni, fe wnaeth ein Sioe Deithiol Addysg CCIC deithio ysgolion a cholegau ledled Cymru. Clywodd myfyrwyr yn uniongyrchol gan ein llysgenhadon am fywyd fel aelod o CCIC, a sut i gymryd rhan. Roedd yr ymateb yn anhygoel - gyda llawer bellach yn gwneud cais i ymuno â'n rhaglenni.
Mae Dawns Genedlaethol Ieuenctid Cymru (DGIC) yn ymweld ag ysgolion a cholegau ledled Cymru i gyflwyno gweithdai blasu diddorol. Os yw eich ysgol yn cynnig dawns neu os oes ganddynt fyfyrwyr sydd â diddordeb cryf yn y ffurf gelf, byddem wrth ein bodd yn clywed gennych. Mae gweithdai blasu DGIC yn darparu cyflwyniad hwyliog a chroesawgar i'n gwaith, gan gynnwys dosbarth dawns gynhwysol, y cyfle i ddysgu repertoire DGIC, a chyfle i gwrdd ag aelodau o dîm DGIC.
CYMRYD RHAN!
Rydym ni’n awyddus i adeiladu partneriaethau parhaol rhwng ysgolion a cholegau. Dydych chi ddim angen cyfleusterau arbenigol - dim ond myfyrwyr sydd â chwilfrydedd, creadigrwydd a photensial.
📧 Cysylltwch â Hope Dowsett,
Cynhyrchydd Cyfranogiad a Dysgu:
hopedowsett@nyaw.org.uk
Gadewch i ni weithio gyda'n gilydd i ysbrydoli'r genhedlaeth nesaf o artistiaid - a helpu eich myfyrwyr i ddod o hyd i'w llais creadigol.