CGIC yn dathlu 80 mlynedd yn 2026!
Mae Cerddorfa Genedlaethol Ieuenctid Cymru (CGIC) yn nodedig am fod yn gerddorfa genedlaethol ieuenctid gyntaf y byd, gan berfformio am y tro cyntaf yn 1946. Eleni, yn 2026, mae CGIC yn dathlu 80 o flynyddoedd o hyfforddiant o’r radd flaenaf ac o berfformiadau bywiog.
Ymunwch â’r dathliadau!
Cerddorfa Cyn-aelodau
Ail-ddarganfod cyfeillgarwch trwy gerddoriaeth!
Fel rhan o’n dathliadau pen-blwydd yn 80 oed, byddwn yn cynnull cerddorfa o gyn-aelodau fydd yn Ymarfer, Hel atgofion a Pherfformio dros benwythnos Gŵyl Fai o dan gyfarwyddyd arbenigol Carlo Rizzi, yr Arweinydd rhyngwladol nodedig.
Mae’r gerddorfa’n agored i unrhyw gyn-aelod sy’n dal i chwarae eu hofferyn yn rheolaidd. Y gobaith yw recriwtio cerddorfa o rhwng 80-100 i berfformio mewn cyngerdd i’r cyhoedd ar Ddydd Sul 3ydd Mai yn Neuadd Hoddinott y BBC ym Mae Caerdydd.
Ymaferion:
Dydd Gwener 1 Mai – 2-5yp & 6-8yh, WNO Orchestra Hall, Canolfan Mileniwm Cymru
Dydd Sadwrn 2 Mai – 10yb-1yp & 2-5yp, WNO Orchestra Hall, Canolfan Mileniwm Cymru
Dydd Sul 3 Mai – 1.30yp-3.30yp, Neuadd Hoddinott BBC
Cyngerdd: Dydd Sul 3 Mai, 4.30-6yh, Neuadd Hoddinott BBC
Ydych chi’n gyn-aelod o CGIC? Allwch chi ymuno â’n Cerddorfa Cyn-aelodau?
Bydd y digwyddiad yn gyfle hanesyddol inni ailgysylltu gyda chyn-aelodau o hanes hirfaith y gerddorfa, a hynny fel aelodau o’r gerddorfa a’r gynulleidfa.
Dyma gyfle i ail-fyw cerddoriaeth o’ch dyddiau gyda CGIC!
Ni chodir tâl am gymryd rhan yng Ngherddorfa Cyn-aelodau’r 80fed Pen-blwydd. Yn hytrach, gofynnir i gyn-aelodau sy’n cymryd rhan gyfrannu £100 i gefnogi ein cronfa bwrsariaethau, er mwyn helpu i sicrhau bod cerddorion ifanc talentog yn cael mynediad i’r un cyfleoedd cadarnhaol y gwnaeth cynifer ohonom eu profi.
Dyddiad cau i ymgeisio: 31ain Mawrth
Methu chwarae yn y Gerddorfa Cyn-aelodau? Gallwch ddal i fod yn rhan o’n dathliadau!
Cynhelir y cyngerdd, dan arweiniad Carlo Rizzi, am 4.30pm ar Ddydd Sul 3ydd Mai yn Neuadd Hoddinott y BBC, Bae Caerdydd.
Peidiwch â cholli eich cyfle! Tocynnau ar werth nawr. Prynwch eich tocynnau nawr.
Arweinydd: Carlo Rizzi
Mae Carlo Rizzi wedi hen ennill ei blwyf fel un o arweinyddion operatig mwyaf blaenllaw’r byd, ac mae galw mawr amdano fel artist gwadd mewn canolfannau a gwyliau cerdd nodedig yn fyd-eang. Gan gyfuno arbenigedd trylwyr mewn celfyddyd leisiol ynghyd â dawn theatrig a’r sgiliau cydweithredol ymarferol y mae wedi eu mireinio dros ddegawdau o brofiad yn theatrau gorau’r byd, caiff ei ganmol gan gantorion a chynulleidfaoedd fel ei gilydd fel meistr y gelfyddyd operatig.
Wedi ei eni ym Milan, astudiodd Rizzi yng nghonservatoire y ddinas, ac wedi graddio cafodd ei gyflogi fel répétiteur yn y Teatro alla Scala byd-enwog. Lansiodd ei yrfa fel arweinydd yn 1982 gyda chynhyrchiad o L’ajo nell’imbarazzo Donizetti, a bellach mae wedi perfformio dros gant o operâu, gyda repertoire eang sy’n gyfoeth o weithiau Eidalaidd yn ogystal â phrif deitlau Mozart, Wagner, Strauss, Britten, Mussorgsky, Martinů a Janáček.
Mae Carlo yn gyfaill da i Gerddorfa Genedlaethol Ieuenctid Cymru ac mae wedi arwain y Gerddorfa’n rheolaidd ers eu harwain am y tro cyntaf yn 2012. Ry’n ni mor ddiolchgar a chyffrous i’w groesawu’n ôl i arwain Cerddorfa Cyn-aelodau’r 80fed Pen-blwydd!
Mae’r repertoire i’w gadarnhau – ond gallwch ddisgwyl ail-ymweld â pheth o’r gerddoriaeth wnaeth ddiffinio eich dyddiau yn y gerddorfa.
Methu chwarae yn y Gerddorfa Cyn-aelodau? Gallwch ddal i fod yn rhan o’n dathliadau!
Ydych chi’n gyn-aelod o Gerddorfa Genedlaethol Ieuenctid Cymru? Hoffech chi ddathlu Pen-blwydd y gerddorfa gyda ni?
Cysylltwch gyda ni ac fe anfonwn ni’r wybodaeth ddiweddaraf atoch am y dathliadau!
Cefnogi’r Genhedlaeth Nesaf
I nifer ohonom, fe agorodd CGIC ddrysau wnaeth ffurfio ein taith gerddorol a chreu ffrindiau oes. Mae ein bwrsariaethau’n sicrhau bod y drysau hynny’n dal i fod ar agor, gan ddileu rhwystrau ariannol fel mai gallu, ac nid amgylchiadau, sy’n penderfynu pwy all gymryd rhan. Trwy ymuno yn y dathliad hwn, rydych hefyd yn helpu i basio’r cyfle hwnnw ymlaen. Os ydych chi mewn sefyllfa i roi mwy, bydd croeso cynnes i unrhyw gymorth ychwanegol a bydd yn gwneud gwahaniaeth hyd yn oed yn fwy.
Os ydych chi’n talu treth incwm yn y DU, cofiwch ystyried ychwanegu Rhodd Cymorth, fydd yn cynyddu eich rhodd o 25% am ddim cost ychwanegol i chi.
Rydym yn gwerthfawrogi pob cyfraniad, a bydd yn cael effaith aruthrol ar ein gwaith, waeth beth yw ei maint. Bydd y rhoddion hyn yn sicrhau y gallwn barhau i ddiogelu dyfodol ensembles cenedlaethol ieuenctid Cymru ac yn galluogi CCIC i ehangu ein gwaith gan gyrraedd pobl ifanc ledled y wlad.
