Cerddorfa

Côr

Ieuenctid Cymru

Perfformiwch Dros Gymru

Bwcio Clyweliad

Nodyn gan cynhyrchydd CCIC

“Yn 2027, rydym yn edrych ymlaen at y prosiect cydweithredol sylweddol cyntaf rhwng dau ensemble mwyaf Celfyddydau Cenedlaethol Ieuenctid Cymru. Er bod gan y Gerddorfa a’r Côr draddodiad maith o weithio gyda’i gilydd ar weithiau llai o faint, fel Chichester Psalms Bernstein yn 2018, y flwyddyn nesaf bydd yr ensemble cyfunedig yn mynd i’r afael â repertoire sylweddol am y tro cyntaf gyda’r hyn fydd yn ensemble cyfunedig o tua 200 o gerddorion ifanc gwych.”

Matthew Jones

Cynhyrchydd Côr Genedlaethol Ieuenctid Cymru

Rhaglen 2027

Arweinydd: Carlo Rizzi a Tim Rhys Evans

Mae Tim Rhys-Evans yn adnabyddus i Gôr Cenedlaethol Ieuenctid Cymru gan iddo arwain y côr ers 2018. Fel cyn-aelod, mae’n deall pa mor werthfawr all y profiad CCIC fod i ganwr ifanc ac, fel arweinydd corawl ac arbenigwr lleisiol a gydnabyddir yn rhyngwladol, mae wedi arwain y Côr o nerth i nerth ers gafael yn yr awenau bron i ddeng mlynedd yn ôl.

Mae Tim wedi gweithio gyda Carlo Rizzi nifer o weithiau ac mae gan y ddau berthynas waith wych fydd yn sicrhau profiad hynod o gadarnhaol ar gyfer yr ensemble cyfunedig arbennig hwn.

Mae Carlo Rizzi yn arweinydd opera a cherddorfaol rhyngwladol arobryn sydd wedi gweithio dros y byd i gyd yn cynnwys yn La Scala yn yr Eidal a gyda’r Met yn Efrog Newydd yn ogystal â bod a pherthynas hirsefydlog gydag Opera Cenedlaethol Cymru.

Mae hefyd wedi arwain Cerddorfa Genedlaethol Ieuenctid Cymru nifer o weithiau ac mae’n mwynhau perthynas arbennig gyda’n haelodau. Daw Carlo â chyfoeth o brofiad a natur gerddorol tan gamp ac mae bob amser wedi ysbrydoli aelodau’r Gerddorfa i berfformio’n wych – ry’n ni wir yn edrych ymlaen at weithio gydag e unwaith eto’r flwyddyn nesaf.

Repertoire: Ry’n ni’n dal i weithio ar y repertoire terfynol ac mae ambell i ddewis cyffrous yn cael ei ystyried ar hyn o bryd.

Sut i ymuno…

  • Darllen beth i’w ddisgwyl a’r hyn fydd angen iti ei baratoi yn yr adran Cwestiynau Cyffredin isod

  • Edrych ar ba ddyddiad a lleoliad clyweliad yr wyt am ei fynychu

  • Clicia ar y botwm i fynd a ti i’r ffurflen gais

  • Cysyllta gyda ni os oes gennyt unrhyw gwestiynau auditions@nyaw.org.uk

    Mae ein clyweliadau’n cael eu rhedeg ar ffurf gweithdai cyfeillgar a chefnogol, a gallwn helpu gyda chostau clyweliad yn ogystal â’r ffioedd aelodaeth.

    Byddwn hefyd yn gofyn am unrhyw anghenion mynediad pan fyddi’n archebu dy glyweliad.

Ymgeisiwch ebryn:

11 Hydref 2026

Clyweliadau:

18fed Tachwedd (gyda’r nos) – Caerdydd

22ain Tachwedd – Caerfyrddin

27ain Tachwedd (gyda’r nos) - Caerdydd

28ain Tachwedd – Caerdydd

29ain Tachwedd – Caerdydd

3ydd Rhagfyr (gyda’r nos) - Caerdydd

6ed Rhagfyr – Gogledd Cymru

Canlyniadau:

w/d 14 Rhagfyr 2026

Perfformiadau: Mae'r perfformiadau i'w cadarnhau ar hyn o bryd ond byddant yn cael eu cynnal mewn lleoliadau ledled Cymru ar ddiwedd y cyfnod preswyl. 

Bwcio Clyweliad

Cwestiynau Sy’n Codi’n Aml…

  • Dylet fod rhwng 16 a 22 oed ar 31 Awst 2027. (Mae hyn yn golygu y gallet ddod am

    glyweliad yn 15 oed, cyn belled ag y byddi’n 16 oed erbyn y dyddiad uchod). Fodd bynnag, ar gyfer yr ensembles offerynnol, fe allwn dderbyn ymgeiswyr iau i’r ensembles ar achlysuron ble y dangosir talent eithriadol. Bydd hyn fel y barno CCIC yn ddoeth yn unig. Mae rhaid iti fod un ai wedi dy eni yng Nghymru a / neu’n byw yng Nghymru ar hyn o bryd neu’n astudio’n llawn amser yng Nghymru. Mae CCIC yn cadw’r hawl i eithrio unrhyw un rhag cymryd rhan yn ei ensembles fel y gwêl yn rhesymol ddoeth, i’w weithredu gan uwch-aelodau o staff neu’r ymddiriedolwyr. Os oes gennyt unrhyw gwestiynau am ein meini prawf cymhwysedd, cysyllter â: nyaw@nyaw.org.uk.

  • Unwaith iti glicio ar y botwm Archebu Nawr cei dy arwain i’r ffurflen gais ble byddwn yn gofyn am fanylion personol a manylion cyswllt yn ogystal â gofyn rhai cwestiynau am dy ysgol / coleg a phrofiad perfformio fydd yn ein helpu’n ystod dy glyweliad. Bydd y ffurflen yn gofyn iti uwchlwytho llun pen ac ysgwydd diweddar o dy hun (gall hwn fod yn hun-lun / ffoto ar ffôn (dim mwy na 4MB). Ni ddylai gymryd mwy na tua 10 munud i’w chwblhau. Os wyt ti’n talu’r ffi clyweliad, anfonir dolen dalu atat mewn e-bost unwaith iti gyflwyno dy ffurflen gais. Os oes gennyt unrhyw gwestiynau, neu broblemau gyda’r ffurflen, e-bostia: auditions@nyaw.org.uk

  • Cost y clyweliad yw £30 – mae hyn yn mynd i dalu am ein gwaith gweinyddol; hurio’r ganolfan a chostau ffioedd y panel. Gallwn gynnig Clyweliadau Am Ddim i bawb sy’n methu fforddio talu am ba bynnag reswm. Gall ymgeiswyr ddewis yr opsiwn hepgoriad ffioedd ar y ffurflen.

  • Unwaith i’r dyddiad cau basio, byddwn yn dy e-bostio i gadarnhau manylion lleoliad, dyddiad, ac amser dy glyweliad a sut i gyrraedd yno. Bydd hyn, fel arfer, o leiaf 2 wythnos cyn dyddiad dy glyweliad.

  • Bydd gofyn iti berfformio darnau hunan-ddewisiad, detholiad o raddfeydd (scales) ac, yn y mwyafrif o achosion, ddetholiadau byr, wedi eu paratoi o’r repertoire cor.

    Cei hyd i fanylion llawn yr hyn sydd ei angen, yn cynnwys arweiniad ar gyfer offerynnau penodol, yn ein pecynnau clyweliadau.

  • Bydd ein paneli clyweliad yn penderfynu ar y canlyniadau unwaith i’r holl glyweliadau gael eu cynnal, a byddwn yn anelu i hysbysu pob ymgeisydd cyn gynted â phosibl wedi hynny. Eleni, rydym yn bwriadu anfon yr e-byst canlyniadau atoch yn ystod yr wythnos yn dechrau 14eg Rhagfyr.

  • £1080

    Mae dy ffi aelodaeth yn gyfraniad tuag at yr holl gostau hyfforddiant, llety, pob pryd bwyd, teithio’n ystod y cwrs preswyl a gweithgareddau cymdeithasol. Mae gwerth yr aelodaeth y bydd pob unigolyn yn ei dderbyn dros £2,750 - ond, diolch i gefnogaeth hael ein cyllidwyr a’n cefnogwyr, mae Celfyddydau Cenedlaethol Ieuenctid Cymru (CCIC) yn sybsideiddio cyfran sylweddol o’r gost i fod yn aelod o un o’r ensembles ieuenctid cenedlaethol. Fodd bynnag, rydym yn anelu i wneud yn siŵr nad yw arian fyth yn rhwystr i gyfranogi yn unrhyw un o’n hensembles neu’n prosiectau. Rydym yn deall y gall y cyfraniad hwn fod allan o gyrraedd rhai o’n hymgeiswyr, a dyma pam ein bod yn rhedeg cynllun bwrsariaethau hael sy’n cefnogi ble fo angen cymorth. Os yw incwm blynyddol dy aelwyd yn llai na £125,000, gallai ein Cronfa Bwrsariaethau helpu i dalu am beth, neu’r cyfan, o dy dâl aelodaeth. Rydym hefyd yn cynnig cynllun talu mewn rhandaliadau.

  • Gallai ein Cronfa Bwrsariaethau helpu i dalu am beth neu’r cyfan o dy ffioedd aelodaeth, fel na fydd unrhyw un yn cael ei rwystro rhag ymgeisio am le ar Ensembles CCIC am resymau ariannol. Cer i CRONFA BWRSARIAETHAU CCIC am wybodaeth lawn, yn cynnwys sut i hawlio cymorth tuag at gostau clyweliad a ffioedd aelodaeth.