Celfyddydau Cenedlaethol Ieuenctid Cymru yn helpu pobl ifanc i wneud eu marc ar y sîn gerddoriaeth Gymraeg.

Ddiwedd mis Mawrth, roedd cerddoriaeth anhygoel yn llenwi'r awyr wrth i dros 20 o gerddorion ifanc o bob cwr o Gymru ddod at ei gilydd yn Rockfield Studios, Trefynwy ar gyfer yr wythnos breswyl "Cerdd y Dyfodol."  

Mae'r prosiect "Cerdd y Dyfodol," dan arweiniad Celfyddydau Cenedlaethol Ieuenctid Cymru (CCIC), yn rhaglen datblygu cerddoriaeth gyfoes ar gyfer gwneuthurwyr cerddoriaeth Cymru yn y dyfodol. Mae'n galluogi pobl ifanc 16-18 mlwydd oed, o gefndiroedd amrywiol, i ddarganfod eu potensial fel artistiaid, ac yn eu cefnogi i gamu i mewn i'r sîn gerddoriaeth Gymraeg bresennol. Mae'r prosiect yn cynnwys genres fel Grime, Indi, Electronica ac RnB.  

Wedi'i gynnal yn stiwdios eiconig Rockfield, lle mae sêr fel Queen, Led Zeppelin, Coldplay ac Oasis wedi gwneud recordiadau eiconig, roedd cwrs preswyl Cerdd y Dyfodol yn daith gyffrous o greadigrwydd, cydweithio a darganfod. Diolch i gyllid hael gan Lywodraeth Cymru drwy Cymru Greadigol, dewiswyd y cerddorion uchelgeisiol hyn i gymryd rhan yn y rhaglen wythnos rhad ac am ddim o weithdai cyfansoddi caneuon, trafodaethau diwydiant, sesiynau recordio a chydweithio a chyfleoedd mentora. 

Dywedodd Gerwyn Evans, Dirprwy Gyfarwyddwr Cymru Greadigol: "Sefydlwyd ein Cronfa Sgiliau Creadigol i greu cyfleoedd i ddarpar bobl greadigol o bob cefndir a hyrwyddo arfer cynhwysol ar draws y sectorau. Mae'n wych gweld CCIC yn rhoi eu cyllid i ddefnydd rhagorol drwy ddarparu profiadau ymarferol a bywyd go iawn i artistiaid cerddoriaeth ein cenhedlaeth nesaf, ac mewn lleoliad mor eiconig! Bydd ein Memorandwm Cyd-ddealltwriaeth gyda Chyngor Celfyddydau Cymru hefyd yn ein galluogi i nodi ffyrdd newydd o weithio gyda'n gilydd a fydd o fudd i bobl ifanc greadigol ac yn agor drysau newydd i'r diwydiannau creadigol."

Trwy gydol yr wythnos, cafodd cyfranogwyr eu harwain gan ein Mentoriaid o’r diwydiant proffesiynol a Mentoriaid y Dyfodol, gan fireinio eu sgiliau ac archwilio gorwelion newydd ym maes cynhyrchu cerddoriaeth, cyfansoddi caneuon a pherfformio. O feistroli'r grefft o bresenoldeb llwyfan i ymchwilio i gymhlethdodau peirianneg sain, roedd y cwrs preswyl yn llwyfan i dalentau ifanc ddisgleirio a thyfu. I lawer o gyfranogwyr, roedden nhw eisoes wedi datblygu sgiliau mewn cynhyrchu cerddoriaeth gyfrifiadurol - ond dyma oedd eu cyfle cyntaf i ddysgu sut i gydweithio mewn amser real gyda cherddorion eraill. 

Dywedodd Lily Webbe, Cynhyrchydd dan Hyfforddiant Cerdd y Dyfodol CCIC: "Roedd cwrs preswyl Cerdd y Dyfodol yn brofiad mor gadarnhaol a gwefreiddiol i bawb a gymerodd ran. Rwy'n gobeithio bod y profiad hwn wedi eu hysbrydoli i archwilio eu creadigrwydd a'u helpu i ddarganfod y nifer o lwybrau a chyfleoedd gwahanol sydd gan y sîn gerddoriaeth Gymreig i'w cynnig. Hoffwn ddiolch yn fawr iawn i'r holl fentoriaid a mentoriaid y dyfodol gwych sydd wedi bod yn rhan o'r prosiect hwn, a'r tîm anhygoel yn Rockfield. Roedd eu cefnogaeth yn help mawr i wneud y cwrs preswyl yn brofiad gwirioneddol hudol i bawb."  

Dywedodd Sky, cyfranogwr yn y rhaglen Cerdd y Dyfodol eleni: "Mae'r cyfnod preswyl hwn wedi helpu pawb o ran adeiladu ein dewrder wrth recordio cerddoriaeth wreiddiol ac mae hefyd wedi rhoi gwybodaeth ddefnyddiol i ni mewn perthynas â rhyddhau, marchnata a hyrwyddo ein cerddoriaeth hefyd. Er mai dim ond am dridiau y buom ni yno, mae'r sgyrsiau’r diwydiant, cydweithfa'r prosiect a’r gallu cydweithio â phobl newydd o genres ac arddulliau amrywiol wedi fy helpu i fagu fy hyder fy hun hefyd".

Ond nid yw'r daith yn gorffen yn y fan honno. Wrth i ni ffarwelio â chwrs preswyl Cerdd y Dyfodol, edrychwn ymlaen at y bennod nesaf yn nhaith gerddorol y cyfranogwr ifanc. Cyn bo hir, byddwch yn gallu clywed dyfodol cerddoriaeth Gymraeg drosoch chi eich hun mewn gig sydd ar y gweill, lle bydd yr artistiaid ifanc eithriadol hyn yn camu ar y llwyfan yn barod i roi'r cyfan maen nhw wedi'i ddysgu ar waith.  

Ymunwch â CCIC wrth i ni ddathlu potensial diderfyn y genhedlaeth nesaf yn The Corn Exchange, Casnewydd ar Ebrill 28 a pharatoi i weld dyfodol cerddoriaeth yn ei holl ogoniant. 

 Archebwch eich tocynnau trwy Corn Exchange heddiw! 

Celfyddydau Cenedlaethol Ieuenctid Cymru yn rhoi hwb i'w ymrwymiad i gefnogi perfformwyr ifanc Byddar ac anabl.

Dechreuodd tîm staff Celfyddydau Cenedlaethol Ieuenctid Cymru (CCIC) 2024 gyda dull newydd o gefnogi perfformwyr ifanc Byddar ac anabl ledled Cymru. Dros bedwar diwrnod, bu'r tîm staff cyfan yn gweithio gydag arbenigwyr celfyddydau cynhwysol Taking Flight i ddatblygu eu gallu i gefnogi, cysylltu ac ymgysylltu â phobl ifanc Fyddar ac anabl. Nod yr hyfforddiant oedd galluogi'r rhai ar draws y sefydliad i ddarparu lefel llawer uwch o gymorth pwrpasol i bob perfformiwr ifanc unigol, a sicrhau y gall ensembles a phrosiectau CCIC fod yn groesawgar i bob person ifanc.

Fe wnaeth y gyfres o weithdai arloesol a rhyngweithiol alluogi aelodau staff i gynyddu eu dealltwriaeth o gynwysoldeb a mynediad drwy hyfforddiant ymarferol, gyda chefnogaeth tîm gwych o hwyluswyr Taking Flight sydd â phrofiad byw o anabledd. Rhoddwyd sylw i arbenigeddau megis ymwybyddiaeth o ddallineb, ymwybyddiaeth Byddar a hyfforddiant cydraddoldeb penodol i’r sector yn fanwl, gan arwain at drafodaethau sy'n ysgogi'r meddwl fel man cychwyn ar gyfer newid parhaus a gwreiddio.

Yn dilyn yr hyfforddiant, dywedodd Evan Dawson, Prif Weithredwr CCIC: "Yn Celfyddydau Cenedlaethol Ieuenctid Cymru, rydym ni’n gwybod bod creadigrwydd a chyfranogiad diwylliannol yn elfennau hanfodol o fywyd iach, hapus a chysylltiedig. Dylai pob person ifanc yng Nghymru gael cyfle i archwilio ei botensial artistig ei hun. Nid yw talent yn gwahaniaethu - felly mae'r cyfle hwn i weithio'n fanwl gyda Taking Flight wedi ein helpu i ddeall y prif rwystrau i bobl ifanc Fyddar ac anabl ymgysylltu â ni. Byddwn yn parhau i wneud popeth o fewn ein gallu i wneud Celfyddydau Cenedlaethol Ieuenctid Cymru yn gymuned groesawgar, gefnogol a gwirioneddol greadigol i bawb. Mae'n wirioneddol gyffrous."

Gyda 17% o aelodau ensemble CCIC yn nodi eu bod nhw’n F/fyddar neu'n anabl yn 2023, mae aelodau staff yn edrych ymlaen at gymhwyso'r hyfforddiant hwn yn uniongyrchol i'w gwaith ar draws ensembles, prosiectau a thu hwnt. Mae hyn yn cynnwys prosiectau fel y rhaglen bartneriaeth "Assemble" gyda National Youth Theatre GB, sydd wedi'i chynllunio i gefnogi pobl ifanc Byddar ac anabl trwy ymyriadau tymor hir mewn ysgolion nad ydynt yn ysgolion prif ffrwd.

Dywedodd Hope Dowsett, Cynhyrchydd Cyfranogiad a Dysgu yn CCIC: "Hoffem ddiolch yn fawr iawn i Taking Flight am gynnal cyfres o sesiynau hyfforddi mor ysgogol, craff a diddorol gyda ni. Fe wnaeth pob aelod o staff a gymerodd ran elwa a gwella eu gwybodaeth o weithio gyda phobl anabl, ac rydym ni bellach yn dechrau cymhwyso'r wybodaeth hon yn uniongyrchol i'n gwaith. Bydd hyn yn ein galluogi i ddarparu profiad hyd yn oed yn well i'r bobl ifanc anhygoel rydyn ni'n gweithio gyda nhw bob blwyddyn."

Dywedodd Steph Bailey-Scott, Swyddog Cyfranogiad, Mynediad a Chynhwysiant yn Taking Flight: "Roedd hi'n bleser pur cael cynnal ein sesiynau hyfforddi gyda thîm CCIC, roedd eu hangerdd am bopeth o ran mynediad a chynhwysiant mor wych i'w weld. Rwy'n credu bod y tîm hwn yn mynd i fynd yn bell iawn, ac rwyf mor gyffrous i’r holl bobl ifanc Fyddar/anabl a niwroamrywiol a fydd yn cymryd rhan yn eu holl brosiectau sydd ar y gweill."

Bydd CCIC yn parhau i adolygu ac adnewyddu ei ddarpariaeth hyfforddi yn y maes hwn, fel rhan o'n hymrwymiad parhaus i ddod â mwy o gyfleoedd artistig i fwy o bobl ifanc ledled Cymru o'r ystod ehangaf o gefndiroedd.

Os gallech chi neu eich sefydliad elwa o dderbyn hyfforddiant ymwybyddiaeth anabledd gan Taking Flight, cysylltwch â steph@takingflighttheatre.co.uk.

Cydweithrediad cenedlaethol newydd i gryfhau dawns ieuenctid yn Nghymru

Mae tri sefydliad dawns blaenllaw wedi nodi carreg filltir bwysig yng nghelfyddydau Cymru trwy arwyddo memorandwm cyd-ddealltwriaeth, mewn ymgais i gefnogi twf dawns yng Nghymru.

Mae Celfyddydau Cenedlaethol Ieuenctid Cymru, Cwmni Dawns Cenedlaethol Cymru, a Ballet Cymru wedi dod at ei gilydd i alluogi ymgysylltiad dawns ieuenctid cryfach a chyfranogiad ledled y wlad.

Gan gynrychioli ymdrech unedig, bydd y gynghrair strategol hon yn sefydlu fframwaith cynhwysfawr ar gyfer darpariaeth dawns ieuenctid ledled y wlad. Drwy gyfuno eu hadnoddau a'u harbenigedd, bydd y sefydliadau'n creu seilwaith cadarn a chynhwysol sy'n meithrin twf dawns ieuenctid yng Nghymru.

Bydd hyn yn sicrhau bod pob agwedd ar eu cynigion yn canolbwyntio ar hygyrchedd, cynhwysiant, ansawdd, a chyfleoedd datblygu a pherfformiad pellach. Mae hyn, yn ei dro, yn gosod dawns ieuenctid fel rhan annatod o hunaniaeth ddiwylliannol Cymru.

Mae llofnodi'r memorandwm cyd-ddealltwriaeth yn nodi eiliad ganolog yn y daith gydweithredol i gefnogi a chryfhau'r dirwedd ddawns yng Nghymru. Gydag ymrwymiad ar y cyd i feithrin talent a meithrin cynwysoldeb, bydd y gynghrair yn gosod y sylfaen ar gyfer twf cynaliadwy ac arloesedd mewn mentrau dawns ieuenctid ledled y wlad.

Dywedodd Prif Weithredwr Celfyddydau Cenedlaethol Ieuenctid Cymru, Evan Dawson: "Yn Celfyddydau Cenedlaethol Ieuenctid Cymru, rydym ni’n gyffrous iawn am gael perthynas agosach fyth â Ballet Cymru a Chwmni Dawns Cenedlaethol Cymru.

"Gan weithio gyda'n gilydd a gyda'r sector dawns ehangach, rydym ni am ddarparu cyfleoedd creadigol a blaenllaw yn y byd i ddawnswyr ifanc a choreograffwyr. Mae'n gyfnod heriol iawn i bawb sy'n gweithio yn y celfyddydau ar hyn o bryd, ond rydym ni’n hyderus y bydd y cydweithrediad strategol newydd hwn yn helpu'r genhedlaeth nesaf o ddawnswyr i wneud y mwyaf o'r adnoddau sydd gennym wrth gefnogi sefydliadau dawns ar lawr gwlad ledled Cymru hefyd."

Dywedodd Jamie Jenkins, Cynhyrchydd Dawns Ieuenctid Cenedlaethol Cymru: "Bydd y bartneriaeth newydd hon yn chwarae rhan hanfodol wrth helpu i lunio dyfodol dawns ieuenctid ledled Cymru ac ar yr un pryd cefnogi a dathlu darpariaeth dawns ieuenctid sydd eisoes wedi'i sefydlu.  Mae NDCWales, Ballet Cymru a Celfyddydau Cenedlaethol Ieuenctid Cymru yn cydweithio'n gam i gyfeiriad cadarnhaol."

Dywedodd Cyfarwyddwr Artistig NDCWales, Matthew Robinson: "Mae Cwmni Dawns Cenedlaethol Cymru yn ceisio ysbrydoli a gyrru datblygiad artistiaid yfory drwy'r gwaith rydym ni’n ei wneud ar lwyfannau ac oddi arno. Wrth i ni gychwyn ar y cydweithrediad strategol hwn gyda Celfyddydau Cenedlaethol Ieuenctid Cymru a Ballet Cymru, mae ein huchelgais ar y cyd ar gyfer pobl ifanc yn fy llenwi ag optimistiaeth ar gyfer y dyfodol. Rydym ni’n edrych ymlaen at weithio gydag artistiaid, athrawon a sefydliadau annibynnol anhygoel Cymru i sicrhau bod ein gwaith rhyng-gysylltiedig yn cael yr effaith fwyaf ar bobl ifanc. Gall artist gwych ddod o unrhyw le, ac rydym ni wedi ymrwymo gyda'n gilydd i alluogi artistiaid ifanc, ble bynnag y bônt yng Nghymru, i lunio dyfodol dawns."

Dywedodd Cyfarwyddwr Artistig Ballet Cymru, Darius James OBE a'r Cyfarwyddwr Artistig Cynorthwyol, Amy Doughty: "Mae Ballet Cymru yn gwmni bale cenedlaethol i Gymru sy'n herio ffiniau a disgwyliadau traddodiadol. Rydym ni’n falch iawn o fod yn gweithio'n agos gyda Dawns Genedlaethol Ieuenctid Cymru a Chwmni Dawns Cenedlaethol Cymru i greu cyfleoedd newydd yn strategol i ysbrydoli a chefnogi ein cenhedlaeth nesaf o ddawnswyr. Mae'r ymdrech gydweithredol genedlaethol hon i ddyrchafu dawns, cynyddu cynhwysiant, a darparu mwy o fynediad i ddawnswyr ifanc ledled Cymru, yn hynod gyffrous."

Dywedodd Laura Drane o Gyngor Celfyddydau Cymru: "Mae croeso cynnes i'r cynlluniau hyn i gryfhau cyfranogiad a mynediad at ddawns ieuenctid. Mae'n gyffrous clywed sut mae'r tri sefydliad cenedlaethol yn bwriadu cydweithredu a rhannu adnoddau, gan ddod â'u blynyddoedd o arbenigedd ynghyd. Bydd y bartneriaeth hon yn helpu i ddatblygu'r sector ac yn effeithio ar deithiau artistig pobl ifanc Cymru."

Theatr Clwyd a Theatr Cenedlaethol Ieuenctid Cymru yn cynnig Llwybrau Proffesiynol i bobl ifanc ledled Cymru yr haf yma

Mae Theatr Clwyd a Theatr Cenedlaethol Ieuenctid Cymru (ThCIC) wedi bod yn cydweithio ers 6 blynedd gan ddarparu cyfleoedd unigryw i bobl ifanc ledled Cymru ac ni fydd eleni yn eithriad.

Yr haf yma byddant yn cynnal eu Rhaglen Breswyl Llwybrau Proffesiynol 2024 yn Theatr Clwyd. Mae Llwybrau Proffesiynol yn agored i bobl ifanc 16 i 22 oed sydd eisiau meithrinsgiliau perfformio a dysgu am y diwydiant theatr, gan gynnwys y swyddi cefn llwyfan. Yn ystod y cyfnod preswyl o 3 diwrnod yn Theatr Clwyd (28 Mehefin -1 Gorffennaf), bydd 50 o bobl ifanc yn mynd y tu ôl i’r llenni ar gynhyrchiad haf y lleoliad o Rope gan Patrick Hamilton. Byddant yn gweithio gyda'r timau creadigol proffesiynol ar y sioe ac yn gweld drostynt eu hunain sut mae'n cael ei chreu. Bydd gweithdai hefyd ar sgiliau perfformio a chlyweliad, a chyflwyniad i gefn y llwyfan, gan gynnwys cynllunio setiau a gwisgoedd, cynllunio’r goleuo a’r sain a rheoli’r llwyfan. Bydd y cyfnod preswyl yn ddwyieithog ac rydym yn annog unrhyw un sydd â diddordeb yn y theatr i ymgeisio. 

Dywedodd Evan Dawson, Prif Weithredwr Celfyddydau Ieuenctid Cenedlaethol Cymru: “Mae gan Gymru draddodiad theatrig mor gyffrous, ond mae’n anodd i bobl ifanc ddeall yr ystod eang o wahanol yrfaoedd ar y llwyfan ac yng nghefn y llwyfan y gallent eu cael. Mae’r bartneriaeth yma rhwng Theatr Cenedlaethol Ieuenctid Cymru a Theatr Clwyd yn gyfle gwych i ysbrydoli, cefnogi a chysylltu ein cenhedlaeth nesaf o actorion, rheolwyr llwyfan, cynllunwyr goleuo, peirianwyr sain, gwneuthurwyr gwisgoedd, cynhyrchwyr a mwy!”

Eisoes eleni mae Theatr Cenedlaethol Ieuenctid Cymru a Theatr Clwyd wedi mynd i 8 ysgol ar draws Gogledd a De Cymru yn cyflwyno gweithdai i roi cipolwg ar beth i'w ddisgwyl yn y clyweliadau a'r cyfnod preswyl Llwybrau Proffesiynol.

Mae’r cyfranogwyr preswyl blaenorol wedi dweud: “Mae Llwybrau Proffesiynol yn cael ei alw yn hynny am reswm, rydych chi wir yn cael eich addysgu gan, a'ch trin fel, gweithiwr proffesiynol. Rydych chi’n cael dysgu'r sgiliau y bydd arnoch eu hangen yn bendant i symud ymlaen o fewn y celfyddydau."

“Mae cymaint o wahanol bethau rydw i wedi’u dysgu ac rydw i wedi sylweddoli nad dim ond un ffordd gul i mewn i'r diwydiant sydd, mae cymaint o wahanol lwybrau a siwrneiau y mae pobl yn eu dilyn”

(Cyfnod Preswyl y Pasg Llwybrau Proffesiynol 2023 yng Nghanolfan Mileniwm Cymru)

Dywedodd Gwennan Mair, Cyfarwyddwr Cymunedau, Lles ac Addysg Theatr Clwyd, am y bartneriaeth: Rydyn ni’n falch iawn o barhau i gynyddu cyfleoedd i bobl ifanc ledled Cymru gyda TheatrIeuenctid Genedlaethol Cymru. Gyda’n gilydd fe fyddwn ni’n ymdrechu i agor y cyfleoedd i bob rhan o Gymru ac i sicrhau ein bod ni’n datblygu pob elfen o greu theatr!

Mae’r archebion ar gyfer y gweithdai clyweliad ar gyfer y cyfnod preswyl a chyfleoedd eraill i aelodau ThCIC ar agor tan 27 Chwefror gyda chlyweliadau’n cael eu cynnal ledled Cymru rhwng 9 Mawrth a 25 Mawrth mewn lleoliadau niferus, gydag opsiwn ar gyfer sesiynau ar-lein ar zoom. I gael rhagor o wybodaeth am sut i wneud cais a beth i’w ddisgwyl o’r gweithdy clyweliad ewch i: https://www.ccic.org.uk/clyweliadau

Aelodau Band Pres Cenedlaethol Ieuenctid Cymru wedi'u dewis i gynrychioli Ewrop

 Mae'n bleser gan Celfyddydau Cenedlaethol Ieuenctid Cymru gyhoeddi bod tri uwch aelod o Fand Pres Cenedlaethol Ieuenctid Cymru (BPCIC) wedi cael eu dewis i gynrychioli Cymru yn y Band Pres Ieuenctid Ewropeaidd (EYBB) blynyddol eleni.  

Bydd Alice Tracey, Erin Maloney, a Patrick Miller (sydd wedi bod yn aelodau o'r CCIC ers 2019) yn teithio i Palanga, Lithwania ddiwedd mis Ebrill. Yn ogystal â chynrychioli BPCIC, bydd Alice a Patrick hefyd yn cynrychioli Band Pres Llwyncoed ac Erin yn cynrychioli Band Flowers.  

Yn ystod y cyfnod preswyl rhyngwladol, bydd Alice, Erin a Patrick yn cydweithio â rhai o'r cerddorion band pres ifanc gorau o bob rhan o Ewrop o dan arweinyddiaeth Philip Harper (cyn arweinydd BPCIC a Chyfarwyddwr Cerdd y Band Cory byd-enwog).  

Bydd eu hamser gyda Band Pres Ieuenctid Ewrop yn dod i ben gyda chyfres o gyngherddau'n cael eu cynnal yn ystod wythnos gyntaf mis Mai. Bydd cystadleuaeth Band Pres Ewrop hefyd yn cael ei chynnal yn ystod yr wythnos honno, gan roi cyfle i fandiau o bob rhan o'r cyfandir gystadlu am un o'r gwobrau mwyaf mawreddog yng nghalendr y Band Pres.  

Wrth sôn am eu llwyddiant, dywedodd Uwch Gynhyrchydd CCIC, Matthew Jones: "Mae Erin, Alice a Patrick yn aelodau hŷn hirsefydlog o Fand Pres Cenedlaethol Ieuenctid Cymru ac maen nhw i gyd yn gerddorion rhagorol.  Mae'n gyfle gwych iddyn nhw weithio gyda cherddorion bandiau pres gorau o bob rhan o Ewrop, ac rwy’n siŵr y byddan nhw'n cael amser gwych tra'n gwneud Cymru'n falch". 

Dywedodd Alice Tracey, un o'r tri aelod a ddewiswyd: "Rydw i mor ddiolchgar am gyfle mor wych ac rwy'n gyffrous iawn i gwrdd a chwarae ochr yn ochr â cherddorion o bob rhan o Ewrop".  

Mae'r EYBB wedi bod yn gweithredu ers dechrau'r 2000au. Mae'n gyfle gwych i chwaraewyr pres ifanc talentog ledled Ewrop chwarae a datblygu gyda'i gilydd ar lefel gyfandirol am wythnos. Byddant yn perfformio fel band pres llawn ar wahanol achlysuron yn ystod Pencampwriaethau Band Pres Ewrop 2024, gan gynnwys cyngerdd Cystadleuaeth Cyfansoddwr Ewrop, Seremoni Agoriadol, a Chyngerdd y Grand Gala. 

Bydd rhaglen Band Pres Cenedlaethol Ieuenctid Cymru eleni yn dechrau gydag ymarferion byw yng nghanol mis Mawrth cyn cwrs preswyl a thaith perfformio 11 diwrnod gyda lleoliadau ar draws Bangor, Caerfyrddin ac Abertawe. Am fwy o wybodaeth, ewch i wefan CCIC. 

2023 Wrapped

Wrth i ni nesáu at ddiwedd 2023, ac wrth i ni fidio adieu i nodiadau a chamau dawns derfynol y tymor rhyfeddol hwn, roeddem am fyfyrio ar ein gwaith eleni, yn llawn creadigrwydd, cymuned, ac eiliadau di-ri o ysbrydoliaeth.

O Fangor i Gaerdydd, Llanbedr Pont Steffan i Gasnewydd, yr haf hwn fe wnaethom deithio’n ymhell a llydan, gan gynnal cyfanswm o 9 preswylfeydd ar draws 4 lleoliad ledled Cymru. Gan weithio mewn partneriaeth â sefydliadau creadigol eraill gan gynnwys Ballet Cymru, Theatr Clwyd a BBC NOW, gwnaethom berfformio mewn 18 digwyddiad cyhoeddus, gan arddangos talentau a chreadigrwydd anhygoel y 282 o bobl ifanc sy’n aelodau CCIC. Darparwyd cyfanswm o brofiadau hyfforddi o ansawdd uchel i 959 o bobl ifanc yn 2023.

"Ar ôl bod yn aelod o CCIC dwi fel person newydd... ar y cyfan, rwy'n gerddor LLAWER gwell na'r hyn y byddwn wedi bod heb CCIC " -  Aelod CCIC 2023

"Mae TCIC wedi gwasanaethu fel byffer gwych i mi fel rhywun sy’n rhy hen ar gyfer theatr ieuenctid nôl adre ac fel rhywun oedd ddim yn mynd i'r brifysgol... Roedd TCIC yno i mi bob tro. " - Aelod TCIC 2023

"Mae bod yn rhan o Dawns Genedlaethol Ieuenctid Cymru wedi helpu i ailgynnau fy nghariad at ddawnsio" - Aelod NYDW 2023

Gan ddechrau ym mis Gorffennaf gyda pherfformiadau gan Fand Pres Ieuenctid Cenedlaethol Cymru, hyd at Ddawns Genedlaethol Ieuenctid Cymru yn cau ein perfformiadau yn 2024 mewn steil yng Nghasnewydd, rydym wedi gadael ein marc ar y sîn gelfyddydol yng Nghymru eleni. Gyda chyfanswm syfrdanol o 70,000+ o aelodau gynulleidfa yn cefnogi ein gwaith. Gwelsom hefyd torriad record yn y nifer a ddaeth i wylio cynhyrchiad arloesol, dwyieithog ac uchel ei glod gan critigyddion Theatr Cenedlaethol Ieuenctid Cymru o Dan Y Wenallt/Under Milk Wood, gyda dros 800 o bobl yn gwylio’r perfformiad. Yn ogystal ym mis Tachwedd cafwyd cyngerdd ochr yn ochr ychwanegol rhwng Cerddorfa Genedlaethol Ieuenctid Cymru a Cherddorfa Genedlaethol Gymreig y BBC, ym Mae Caerdydd.

Yn ei adolygiad Dan Y Wenallt/Under Milk Wood ar gyfer Cylchgrawn Barn, dywedodd Gruffudd Owen: "Dyma'r defnydd mwyaf naturiol, pwrpasol ac effeithiol o ddwyieithrwydd i mi ei weld ar lwyfan erioed... Roedd y cynhyrchiad hefyd yn arwydd o beth all theatr yng Nghymru fod."

Wrth sôn am ein perfformiad DGIC o 'Twenty Tales' a berfformiwyd fel digwyddiad triphlyg gyda Ballet Cymru a Marcat Dance, dywedodd y canwr-gyfansoddwr Cerys Matthews trwy X: "Roedd yn wych - Dewis cerddoriaeth, symud, dylunio, gwisgoedd a choreograffi ac undod cyffredinol. Yn hollol bewitching".

Yr haf hwn fe wnaethom ddyfarnu £71,404 mewn bwrsariaethau tuag at ffioedd, gan gefnogi 54% o'n haelodau. Mae’r swm torriad-record hwn, ynghyd â threuliau teithio ychwanegol i aelodau, yn adlewyrchu ein hymrwymiad i greu amgylchedd cynhwysol a chwalu'r rhwystrau i fynediad i ein aelodau.

Wrth sôn am lwyddiant y flwyddyn, dywedodd ein Cadeirydd, David Jackson: "Wrth i 2023 ddirwyn i ben, ac wrth i ni baratoi ein hunain am flwyddyn arall, hoffwn longyfarch y tîm sydd wrth wraidd Celfyddydau Cenedlaethol Ieuenctid Cymru ar y ffocws trawiadol y maent yn parhau i'w gynnal ar fanteision cyfranogiad y celfyddydau a hyfforddiant lefel uchel i bobl ifanc Cymru. Diolch iddyn nhw mae gennym y weledigaeth, a chynllun credadwy, i fynd i'r afael â thangynrychiolaeth yn y gweithlu yn sector diwylliannol Cymru, ac i gefnogi llwybrau i'r sector hwnnw sydd o fudd i'r byd celfyddydol ehangach yn genedlaethol. Hoffwn ddiolch hefyd i'm cyd-ymddiriedolwyr am eu holl waith caled a'u hymrwymiad. Hoffwn feddwl bod y dyfodol yn edrych yn ddisglair i CCIC a phobl ifanc Cymru. Nadolig Llawen a Blwyddyn Newydd Dda i bawb".

Wrth i ni ffarwelio â'r flwyddyn ryfeddol hon, estynnwn ein diolchgarwch dyfnaf i bawb a gyfrannodd at ei llwyddiant ysgubol. Y artistiaid, y cynulleidfaoedd, y cymunedau – mae eich brwdfrydedd a'ch cefnogaeth wedi ein gyrru i uchderau newydd, ac ni allwn aros i barhau â'r daith hon gyda'n gilydd yn 2024.

Hoffem hefyd ddiolch yn fawr iawn i'n cyllidwyr sydd wedi gwneud ein gwaith yn bosibl yn 2023: Cyngor Celfyddydau Cymru, Cymdeithas Llywodraeth Leol Cymru a Gwasanaeth Cerdd Cenedlaethol Cymru, Sefydliad Paul Hamlyn, Ymddiriedolaeth Leverhulme, Llywodraeth Cymru drwy Cymru Greadigol, Ymddiriedolaeth Elusennol Colwinston, Sefydliad Moondance, Cronfa Bwrsariaeth Neil a Mary Webber,  Cyfeillion Cerddorfa Genedlaethol Ieuenctid Cymru, Ymddiriedolaeth Bluefields a Celfyddydau & Busnes Cymru.

Hoffech chi fod yn rhan o'n taith 2024? Allech chi fod yn ddyfodol y celfyddydau Cymraeg? Mae ceisiadau ar gyfer ein Dawns Genedlaethol Ieuenctid Cymru bellach ar agor, gallwch wneud cais yma.

Partneriaeth newydd yn ceisio creu dyfodol disglair i gerddorion cerddorfaol ifanc yng Nghymru

Mae partneriaeth newydd wedi cael ei chyhoeddi rhwng Cerddorfa Genedlaethol Gymreig y BBC (BBC NOW) a Chelfyddydau Cenedlaethol Ieuenctid Cymru (NYAW), i ddarparu cyfleoedd cerddorfaol a chorawl a llwybrau gyrfa proffesiynol i bobl ifanc ledled Cymru.

Cyhoeddwyd y fenter yn ystod cyngerdd “ochr wrth ochrl” ar y cyd gan y ddwy gerddorfa yn Neuadd Hoddinott y BBC ddiwedd mis Tachwedd. Gyda’i gilydd, maen nhw wedi ymrwymo i rymuso darpar gerddorion proffesiynol ledled Cymru drwy gefnogi sgiliau perfformio a meithrin eu twf proffesiynol drwy gyfleoedd perfformio cerddorfaol. Byddant hefyd yn gweithio mewn partneriaeth â Gwasanaeth Cerddoriaeth Cenedlaethol Cymru, gan gefnogi’r Cynllun Cenedlaethol ar gyfer Addysg Cerddoriaeth.

Bydd cerddorion ifanc ar ddechrau eu gyrfaoedd yn elwa o gyfuniad cyfoethog o gyfleoedd datblygu, gan gynnwys cyngherddau ochr yn ochr â cherddorion proffesiynol y BBC, perfformiadau canu corawl, sesiynau mentora a gweithdai, comisiynu cerddoriaeth newydd, a phrosiectau gyda cherddorion a chyfansoddwyr sy’n gweithio y tu allan i’r sector cerddoriaeth glasurol draddodiadol.

Mae BBC NOW ac NYAW wedi cydweithio’n llwyddiannus ers 2001, gan redeg cyngherddau ochr yn ochr ar gyfer cerddorion ifanc, sy’n cael gwybodaeth a phrofiad drwy berfformio gyda chwaraewyr proffesiynol. Mae’r cyngherddau hyn wedi rhoi’r hyder i genedlaethau o gerddorion ifanc ddilyn gyrfaoedd proffesiynol, ac mae’r ymrwymiad newydd hwn yn ceisio creu llwyfan deinamig i bobl ifanc drwy gynnig cyfle unigryw iddynt fireinio eu crefft ac arddangos eu doniau ar lwyfan ehangach.

Sefydlwyd NYAW yn 2017 ac mae’n ceisio datblygu llwybrau creadigol ar gyfer pobl ifanc ledled Cymru. Mae’n uno ac yn arwain y gwaith o ddatblygu pum ensemble ieuenctid cenedlaethol arobryn a sefydledig Cymru, sy’n cynnwys Band Pres Cenedlaethol Ieuenctid Cymru, Côr Cenedlaethol Ieuenctid Cymru, Dawns Genedlaethol Ieuenctid Cymru, Cerddorfa Genedlaethol Ieuenctid Cymru a Theatr Genedlaethol Ieuenctid Cymru. Sefydlwyd Cerddorfa Genedlaethol Ieuenctid Cymru ym 1945, a hi oedd y gerddorfa ieuenctid gyntaf erioed yn y byd, ac mae wedi bod yn perfformio’n rheolaidd ers hynny.

Dywedodd Evan Dawson, Prif Weithredwr NYAW: “Bydd y bartneriaeth hon gyda Cherddorfa Genedlaethol Gymreig y BBC o fudd enfawr i gerddorion ifanc Cerddorfa Genedlaethol Ieuenctid Cymru. Yn ogystal â pherfformio cerddoriaeth wych o’r safon uchaf, byddant yn cael gweithio’n ddwys i amserlen broffesiynol ac yn dysgu’n uniongyrchol gan gerddorion y BBC maent wedi’u lleoli gyda nhw. Bydd yn rhoi cipolwg iddyn nhw ar fyd cerddorfaol lle gallen nhw weld eu dyfodol eu hunain, gan feithrin ein cenhedlaeth nesaf o gerddorion o Gymru. Rydyn ni i gyd yn edrych ymlaen at weithio gyda’r tîm gwych yn BBC NOW dros y blynyddoedd nesaf i ddatblygu cyfleoedd creadigol i bobl ifanc ledled Cymru.”

Dywedodd Lisa Tregale, Cyfarwyddwr Cerddorfa a Chorws Cenedlaethol Cymreig y BBC: “Yn BBC NOW, rydyn ni’n credu bod cerddoriaeth a chreu cerddoriaeth yn rhywbeth i bawb, felly rydyn ni’n croesawu’r cyfle hwn yn gadarnhaol i gydweithio â NYAW yn agosach byth i helpu i ysbrydoli cerddorion, cantorion a chyfansoddwyr ifanc ledled Cymru. Mae pawb yn BBC NOW yn edrych ymlaen at adeiladu ar y gwaith rydyn ni wedi’i wneud gyda NYAW dros y blynyddoedd, a gyda’n gilydd ein nod yw datblygu hyd yn oed mwy o gynlluniau creadigol, hwyliog a chynhwysol a fydd o fudd i gerddorion ifanc ym mhob man.”

Dywedodd Mari Lloyd Pritchard, Cydlynydd Gwasanaeth Cerddoriaeth Cenedlaethol Cymru: “Mae gweithio mewn partneriaeth wrth galon y Gwasanaeth Cerddoriaeth Cenedlaethol wrth i ni ymdrechu gyda’n gilydd i ddatblygu cymaint o gyfleoedd â phosibl i blant a phobl ifanc ddatblygu eu sgiliau chwarae a chael mynediad at lwybrau gyrfa. Rydyn ni’n falch iawn o weld y cydweithio newydd a chyffrous hwn.”

Arddangos y genhedlaeth nesaf o ddawns Cymru

Fel rhan o breswyliad dwys yr haf Dawns Genedlaethol Ieuenctid Cymru (DGIC) eleni, daeth ugain o ddawnswyr ifanc a fwyaf talentog Cymru at ei gilydd yng Nghaerdydd i ddysgu gan dîm o goreograffwyr ac artistiaid dawns uchel eu parch. Am y tro gyntaf, gweithion nhw gyda Chyfarwyddwr Artistig a Choreograffydd Dawns Marcat, Mario Bermúdez, i greu gwaith newydd sbon sy'n archwilio themâu symudiad, gweadau a pherthnasoedd llwythol yn ystod eu pythefnos o breswyliad.

"Mae bod yn rhan o Dawns Genedlaethol Ieuenctid Cymru wedi helpu i ailgynnau fy nghariad at ddawns, ac mae'r profiad hwn wedi fy ysbrydoli ac wedi gwneud i mi weld llwybrau posib sydd yno i mi gyda dawns gyfoes" – Aelod NYDW 2023

Perfformiwyd y gwaith newydd o’r enw 'Twenty Tales' gan gwmni DGIC yn 2023, ei berfformiad cyntaf byd-eang yng Nglan yr Afon, Casnewydd, ar y 3ydd a'r 4ydd o Dachwedd 2023. Roedd y gwaith yn un o dri a berfformiwyd bob noswaith, gyda pherfformiadau gan Gyfarwyddwr Artistig Ballet Cymru, Darius James a'r coreograffydd, Marcus Jarrell Willis yn cael eu perfformio gan y cwmni dawns Ballet Cymru. Yn ogystal, cafwyd perfformiad cerddorol byw gan y gantores a'r cyfansoddwr caneuon o Gymru, Cerys Matthews.

"Roedd yn wych - Dewis o gerddoriaeth, symudiad, dylunio, gwisgoedd a choreograffi a thros bob undod. Hollol bewitching" Cerys Matthews (trwy X)

"Mae coreograffi trawiadol, symudiad cymunedol, gwisgoedd a mynegiant NYDW yn anhygoel"  - Aelod o'r gynulleidfa 'Twenty Tales'. 

Dywedodd Jamie Jenkins, Cynhyrchydd Dawns Genedlaethol Ieuenctid Cymru: "Rwy'n hynod falch o'r aelodau Dawns Genedlaethol Ieuenctid Cymru, y mae eu gwaith caled eithriadol a'u hangerdd diysgog tuag at ddawns yn amlwg yn eu perfformiadau arbennig o 'Twenty Tales'. Maen nhw'n dyst i'r doniau rhyfeddol y mae dawnswyr ifanc yng Nghymru wedi eu cefnogi gan diwtor dawns, arweinwyr a chymunedau".

Wnaethoch chi fethu perfformiad Dawns Genedlaethol Ieuenctid Cymru eleni? Peidiwch a phoeni, gallwch weld perfformiad o 'Twenty Tales' yma.

Ond nid dyna'r cyfan a gyflawnodd DGIC eleni. Ym mis Gorffennaf, goreograffodd a pherfformiodd aelodau DGIC, Isaac a Layla, deuawd eu hunain fel rhan o Ŵyl Genedlaethol U.Dance yn Newcastle, gan gynrychioli Cymru ar lwyfan y Gogledd ac yn swyno cynulleidfaoedd o bob rhan o'r DU. Yn ddiweddar penodwyd Isaac i Fwrdd Ymddiriedolwyr Celfyddydau Cenedlaethol Ieuenctid Cymru.

Gan weithio gyda'r cyn-fyfyrwyr, Daisy Belle Howell, creodd aelodau DGIC ddau ddarn trawiadol a berfformiwyd a ffilmiwyd mewn gwahanol leoliadau o amgylch Caerdydd. Gallwch wylio'r ddau berfformiad yma. Ers dod yn aelod o DGIC, mae Daisy wedi mynd ymlaen i weithio fel dawnsiwr a choreograffydd proffesiynol yng Nghymru a thu hwnt ac mae'n gyd-gyfarwyddwr ar gwmni perfformio a digwyddiadau o Fanceinion, ‘Night People’.

Hefyd, aeth DGIC i mewn i’w drydedd flwyddyn o bartneriaeth â Celtic Creative, rhaglen gyfnewid gyda Chwmni Dawns Ieuenctid Cenedlaethol yr Alban sy'n rhoi cyfle i berfformwyr ifanc yn y ddwy wlad ddysgu oddi wrth ei gilydd a gan artistiaid proffesiynol gwahanol.

Mae 2023 wedi bod yn flwyddyn brysur a hynod o lwyddiannus i DGIC, ond mae 2024 yn edrych hyd yn oed yn well. Cyn bo hir, bydd y tîm yn dechrau ei daith clyweliadau 2024 yn Abertawe, cyn mynd ar daith i drefi a dinasoedd ar hyd a lled Cymru drwy gydol mis Chwefror, gan chwilio am y dawnswyr gorau sydd gan Gymru i'w gynnig.

Ai ti yw dyfodol dawns Cymru? Mae ceisiadau i fod yn aelod NYDW 2024 bellach ar agor! Ymgeisiwch trwy tudalen Clyweliadu CCIC heddiw.

Mae Celfyddydau Cenedlaethol Ieuenctid Cymru yn croesawu tri aelod ifanc newydd i Fwrdd yr Ymddiriedolwyr

Mae Bwrdd CCIC wedi penodi tri ymddiriedolwr ifanc newydd, fel rhan o'u hymrwymiad i wreiddio llais ieuenctid yn ei waith beunyddiol.

Dechreuodd yr ymddiriedolwyr newydd Isaac Lewis, Rhys Watkins a Mared Browning yn eu rolau newydd yn ystod eu cyfarfod bwrdd cyntaf ddydd Mercher, 8 o fis Tachwedd. Pob un yn artist o fewn eu hawliau eu hunain, mae’r ymddiriedolwyr newydd yn dod â safbwyntiau ffres i’r bwrdd ac yn gosod llais y genhedlaeth iau ar y lefel uchaf o benderfyniadau CCIC.

Dywedodd Evan Dawson, Prif Swyddog Gweithredol CCIC: “Nod Celfyddydau Cenedlaethol Ieuenctid Cymru yw ysbrydoli, cefnogi a chysylltu ein cenhedlaeth nesaf o artistiaid Cymreig - ond dim ond os bydd lleisiau pobl ifanc yn cael eu clywed ar bob lefel o arweinyddiaeth y sefydliad y gallwn wneud hyn gyda dilysrwydd. Dyna pam dwi mor gyffrous i groesawu Mared, Isaac a Rhys i Fwrdd yr Ymddiriedolwyr. Mae pob un ohonyn nhw’n dod â chyfoeth o brofiad unigol, creadigrwydd a hiwmor da, a fydd yn helpu i lunio ein prosiectau a’n strategaeth dros y blynyddoedd i ddod.”

Mae Bwrdd yr Ymddiriedolwyr CCIC, dan arweiniad ei gadeirydd, yn chwarae rhan sylfaenol yn y gwaith y mae CCIC yn ei wneud. Gan weithredu er lles gorau’r elusen, maen nhw’n helpu i osod ein cynllun strategol ac yn goruchwylio ei ddatblygiadau, gan sicrhau y gall y sefydliad barhau i ddod â’r cyfleoedd gorau posibl i’r genhedlaeth nesaf o dalent Cymreig trwy eu hamrywiol ensembles a phrosiectau cenedlaethol.

Dywedodd David Jackson OBE, Cadeirydd Bwrdd yr Ymddiriedolwyr: “Rwy’n falch iawn o groesawu ein tri ymddiriedolwr newydd i Fwrdd CCIC – bydd eu setiau sgiliau amrywiol a’u brwdfrydedd yn bendant yn rhoi syniadau newydd i’n cyfarfodydd. Rwy’n hyderus y bydd CCIC yn elwa o’u syniadau a’u hegni, ac rwy’n edrych ymlaen yn fawr at weithio gyda nhw i gyd.”

Mae’r penodiadau newydd yn helpu i wneud bwrdd CCIC yn fwy amrywiol, gyda chyfanswm o 40% o gynrychiolaeth menywod a 40% o dan 30 oed. Yn gynharach eleni, cyhoeddodd CCIC ei gynllun busnes newydd, gan osod targed iddo’i hun o sicrhau bod o leiaf 30% o’r bwrdd yn siarad Cymraeg erbyn diwedd 2026. Yn dilyn y penodiadau diweddar, mae CCIC yn falch ei fod eisoes wedi croesi hanner ffordd gyda 20% o’r bwrdd yn rhugl yn y Gymraeg.     

Yn allweddol yn y broses o greu rolau ymddiriedolwyr ifanc oedd Karen Pimbley, yr is-gadeirydd. “Mae pobl ifanc wrth galon holl weithgarwch CCIC, felly roedd yn gam naturiol i gynnwys pobl ifanc ar lefel gwneud penderfyniadau ar ein Bwrdd. Rydym wrth ein boddau y bydd ein hymddiriedolwyr ifanc newydd yn helpu i lunio’r llwybr ar gyfer ensembles a phrosiectau’r sefydliad yn y blynyddoedd i ddod ac nid oes amheuaeth y byddant yn dod yn llysgenhadon gwych i’r sefydliad.”

Y nifer uchaf erioed o gerddorion ifanc ledled Cymru yn gwneud cais i ymuno â Celfyddydau Cenedlaethol Ieuenctid Cymru

Bob hydref, mae Celfyddydau Cenedlaethol Ieuenctid Cymru (CCIC) yn gwahodd pobl ifanc dalentog i glyweliadau ar gyfer ein côr, cerddorfa, band pres, ensembles dawns a theatr cenedlaethol. Y dyddiad cau ar gyfer ceisiadau cerddoriaeth oedd 8 Hydref. Mae dros 330 o gerddorion wedi gwneud cais, o'r ystod ehangaf erioed o gefndiroedd a daearyddiaeth.

Gwnaeth 124 o gantorion ifanc gais i ymuno â'r côr cenedlaethol, sydd yn fwy nag erioed o'r blaen. Maen nhw'n cynnwys sawl un sydd â chefndiroedd nad ydynt yn gorawl, sydd wedi bod yn derbyn cefnogaeth drwy raglen arloesol "Sgiliau Côr" CCIC.

“Mae Cymru yn ffodus iawn o gael cerddorion mor dalentog”

— Nation.Cymru

Cafodd cyfnodau clo Covid effaith sylweddol ar ddysgu a datblygu offerynnau cerdd. Ond eleni mae 214 o bobl ifanc wedi gwneud cais i ymuno â'r ensembles offerynnol - cynnydd o 18% ers y llynedd - sy'n dangos bod ceisiadau bron wedi dychwelyd i niferoedd cyn Covid.

Ers y pandemig, mae CCIC wedi bod yn gweithio'n agos gyda Gwasanaeth Cerdd Cenedlaethol Cymru i helpu i sicrhau y gall cerddorion ifanc ar draws y wlad anelu at le yn ensemble cenedlaethol Cymru, yn ddifater o ble maen nhw ddod o na'u hamgylchiadau ariannol.

"Ar ôl bod yn aelod o CGIC dwi fel person newydd...Mae cael eich amgylchynu gan gymaint o bobl ifanc eraill sy'n caru cerddoriaeth gymaint â chi yn ei wneud yn hollol anhygoel!" Aelod CGIC, 2023

Mae CGIC wedi ymrwymo i gael gwared ar rwystrau ariannol a rhwystrau eraill i gymryd rhan yn yr ensembles cenedlaethol. Mae croeso i'r rhai na allant fforddio talu ffioedd clyweliadau wneud cais, ac eleni manteisiodd 35% o'r ymgeiswyr ar y cynnig hwn. Yn yr un modd, mae clyweliadau fideo ar gael i'r rhai a allai deimlo nad ydynt yn gallu bod yn bresennol yn bersonol, ac eleni mae 27% o ymgeiswyr wedi dewis y llwybr hwn.

"Mae Cymru yn ffodus iawn o gael cerddorion mor dalentog a fydd yn sicrhau y bydd cerddoriaeth glasurol yn y genedl yn parhau i ffynnu." Nation.Cymru ar gyngerdd Cerddorfa Genedlaethol Ieuenctid Cymru yn 2023, Neuadd Dewi Sant, Caerdydd

Mae proffil ac enw da ensembles ieuenctid Cymru wedi bod yn tyfu yn ystod y blynyddoedd diwethaf, yn dilyn ffurfio Celfyddydau Cenedlaethol Ieuenctid Cymru yn 2017 i ddod â phob un ohonynt i mewn i un sefydliad. Yn ystod yr haf, mynychodd dros 3,400 o aelodau cynulleidfa berfformiadau cerddoriaeth a theatrig eithriadol o ansawdd uchel ledled Cymru, ym Mangor, Tyddewi, Caerdydd a Llanbedr Pont Steffan.

Dywedodd Matt Jones, Uwch Gynhyrchydd CCIC: "Mae Cymru yn genedl o artistiaid! Yn Celfyddydau Cenedlaethol Ieuenctid Cymru, rydym ni’n gweithio'n galed i nodi ac annog y cerddorion, actorion, dawnswyr mwyaf talentog a mwy; a’u cyflwyno nhw i ystod eang iawn o gynulleidfaoedd. Rydym ni i gyd yn gyffrous iawn i gwrdd ag ymgeiswyr eleni, a bydd llawer ohonynt yn mynd ymlaen i brofi cyfleoedd datblygu a pherfformio arloesol, gan weithio gyda rhai o arweinwyr a chyfarwyddwyr proffesiynol mwyaf blaenllaw y DU." 

Dwedwyd, Mari Lloyd Pritchard, Cyd-lynydd, Gwasanaeth Cerdd Cenedlaethol Cymru: “Mae’n ryddhad mawr gweld fod cynydd yn y nifer sydd eisiau ymuno a’n ensemblau Cenedlaethol. Gyda dyfodiad y Cynllun Addysg Cerdd i newydd i Gymru, rydym yn falch o fod yn chwarae rhan allweddol yn y gwaith o annog ac ysbrydoli plant a phobl ifanc i ganu neu chwarae offeryn.

“Mae cyd-chwarae mewn ensemble yn brofiad arbennig, nid yn unig ar gyfer datblygiad eich llwybrau cerddorol ond hefyd at iechyd a lles cerddorion ifanc yn gyffredinol ac rydym yn falch iawn fod buddsoddiad Llywodraeth Cymru mewn addysg gerdd yn golygu fod llawer mwy o gyfleoedd, i bob oedran ym mhob Sir yng Nghymru, i fantesio ar brofiadau safonol i gyd-ganu a chyd-chwarae.”

Bydd clyweliadau'n cael eu cynnal yn ystod mis Tachwedd, gyda'r côr, y gerddorfa a'r bandiau pres yn cael eu ffurfio erbyn diwedd y flwyddyn. Bydd y rhai nad ydynt yn llwyddiannus yn cael cynnig cefnogaeth amgen. Bydd ceisiadau ar gyfer ensembles dawns a theatr yn agor yn fuan. Mae rhagor o fanylion ar gael ar wefan Celfyddydau Cenedlaethol Ieuenctid Cymru yn www.ccic.org.uk.

Celfyddydau Ieuenctid Cenedlaethol Cymru yn gweithio mewn partneriaeth â Theatr Genedlaethol Ieuenctid Prydain Fawr i gynyddu mynediad i'r celfyddydau ar gyfer pobl ifanc anabl

Yn lansio'r mis hwn, bydd “Assemble” yn gweld Celfyddydau Cenedlaethol Ieuenctid Cymru (CCIC) yn gweithio mewn partneriaeth â Theatr Genedlaethol Ieuenctid Prydain Fawr yn Ne Cymru. Mae'r prosiect, sydd hefyd yn digwydd yn Llundain a Manceinion, wedi'i gynllunio i fynd i'r afael ag ynysu ymysg pobl ifanc anabl 16-19 mlwydd oed trwy hybu eu cysylltiadau â'u cymuned gelfyddydol leol.

Bydd CCIC yn gweithio gyda thair ysgol nad ydynt yn brif ffrwd, ledled De Cymru, sy'n arbenigo mewn anghenion cymorth dysgu cymedrol neu ddifrifol.

“Rydym ni’n gyffrous iawn i weithio gyda’n partneriaid yn NYTGB ar “Assemble”, a fydd yn gadael gwaddol barhaol ledled Cymru”

— Evan Dawson, Prif Weithredwr, Celfyddydau Cenedlaethol Ieuenctid Cymru

Bydd y partneriaid yn adeiladu rhwydwaith o sefydliadau lleol ar gyfer pob ysgol sy'n darparu cyfleoedd a llwybrau dilyniant i'r celfyddydau a chyflogaeth. Mae'r prosiect yn cael ei ariannu gan Gronfa Gymunedol y Loteri Genedlaethol, yr ariannwr cymunedol mwyaf yn y DU.

Un o uchafbwyntiau'r rhaglen fydd cyfranogiad Ffrindiau Gigiau (prosiect clodwiw gan elusen Stay Up Late) sy'n paru gwirfoddolwyr ifanc â chyfranogwyr niwroamrywiol i fynd i gigiau, cyngherddau, a digwyddiadau diwylliannol eraill megis mynychu'r theatr ochr yn ochr â hyfforddiant perthnasol. Bydd Ffrindiau Gigiau yn hyfforddi a chefnogi “Ffrindiau” gwirfoddol i fynd gyda'r bobl ifanc i theatr a digwyddiadau diwylliannol eraill yn eu cymunedau.

Dywedodd Evan Dawson, Prif Weithredwr Celfyddydau Cenedlaethol Ieuenctid Cymru: “Mae unigedd ymysg pobl ifanc anabl yn broblem enfawr yng Nghymru. Yng Nghelfyddydau Cenedlaethol Ieuenctid Cymru, rydym ni wedi gweld enghreifftiau dirifedi o sut y gall prosiectau theatr a chelfyddydau ysbrydoli, cefnogi a chysylltu pobl ifanc o ystod eang o gefndiroedd. Felly rydym ni’n gyffrous iawn i weithio gyda'n partneriaid yn NYTGB ar “Assemble”, a fydd yn gadael gwaddol barhaol ledled Cymru, gan helpu pobl ifanc anabl i ymgysylltu â chyfleoedd celfyddydol a diwylliant yn eu cymunedau lleol. Mae'n enghraifft arloesol o'r hyn y gellir ei gyflawni pan fydd sefydliadau celfyddydol yn gweithio mewn partneriaeth.”

Dywedodd Paul Roseby OBE, Prif Swyddog Gweithredol a Chyfarwyddwr Artistig Theatr Genedlaethol Ieuenctid Prydain Fawr: “Mae Assemble yn gam nesaf pwysig yn ein rhaglen cynhwysiant genedlaethol gynyddol a'n hymdrechion i drwsio'r cyswllt nad yw'n gwasanaethu talent ifanc anabl ar hyn o bryd. Bydd Assemble yn dod â phobl at ei gilydd, yn mynd i'r afael ag ynysu ac yn grymuso lleisiau ifanc i ffynnu. Rydym ni’n ddiolchgar i'n partneriaid yn Celfyddydau Cenedlaethol Ieuenctid Cymru a Chronfa Gymunedol y Loteri Genedlaethol am eu cefnogaeth.”

I gael rhagor o wybodaeth am weithgarwch y prosiect ledled y DU, ewch i nyt.org.uk/assemble

Ein Datganiad ar Adolygiad Buddsoddi Cyngor Celfyddydau Cymru

O fis Ebrill 2024, bydd Celfyddydau Cenedlaethol Ieuenctid Cymru yn derbyn cynnydd mewn cyllid refeniw, fel rhan o broses Adolygiad Buddsoddi Cyngor Celfyddydau Cymru.

Bydd y cyllid ychwanegol hwn yn golygu y gallwn ni barhau i gefnogi pobl ifanc, a gweithio tuag at weledigaeth lle mae pob person ifanc yn cael y cyfle i lwyddo yn y celfyddydau perfformio, ni waeth beth fo’u cefndir. Bydd hefyd yn golygu y gallwn ni barnhau i gefnogi’r sector celfyddydau ehangach trwy bartneriaethau cryf gyda sefydliadau ledled Cymru, a thrwy gyflogi cannoedd o artistiaid llawrydd bob blwyddyn.

Hoffem ddiolch i Gyngor Celfyddydau Cymru am eu cefnogaeth gynyddol, ac am eu ffydd yn ein cynlluniau uchelgeisiol ar gyfer y dyfodol.

Mae Hard Côr, Prosiect Partneriaeth Celfyddydau Cenedlaethol Ieuenctid Cymru â Chanolfan Mileniwm Cymru, yn barod i berfformio yng Ngŵyl Llais.

Yn dilyn cyfnod preswyl dwys dros dri diwrnod yng Nghanolfan Mileniwm Cymru ym mis Medi, bydd ein haelodau Hard Côr yn perfformio yng ngŵyl Llais ar 13 Hydref.

Lluniau: Joe Andrews

Cafodd y cyfranogion gyfle i gydweithio i ddatblygu eu sgiliau ymhellach gyda’n hwyluswyr anhygoel ar gwrs preswyl dwys, ond hwyliog, dros 3 diwrnod.

Roedd y cwrs preswyl yn cynnwys hyfforddiant gan arbenigwyr megis Dionne Bennett, Faith Nelson, Tumi Williams, Molara a Matthew Hann, yn ymdrin â meysydd diwydiant, gweithdai ysgrifennu caneuon a pherfformio, ac yn bwysicach fyth, cyfle i’r cyfranogion gydweithio gyda’i gilydd er mwyn paratoi ar gyfer eu perfformiad yng Ngŵyl Llais eleni.

Eleni, bydd aelodau Hard Côr yn perfformio detholiad o’u cerddoriaeth eu hunain, a grëwyd dros y misoedd diwethaf, yng ngŵyl Llais ar ddydd Gwener 13 Hydref am 7:30pm. Mi fydd y digwyddiad yn cael ei gynnal yn ardal Glanfa, sydd wedi’i leoli ym mhrif ran yr ad-eilad, o flaen Radio Platfform. Mae’r sioe am ddim, ac mae croeso i bawb ddod i gefnogi holl waith caled ac ymrwymiad ein cyfran-ogwyr talentog!

Dawns Genedlaethol Ieuenctid Cymru i berfformio gwaith newydd gan y coreograffydd Mario Bermúdez

Bydd y coreograffydd enwog o Sbaen, Mario Bermúdez, yn creu gwaith newydd yn arbennig ar gyfer cwmni Dawns Genedlaethol Ieuenctid Cymru 2023, i'w berfformio am y tro cyntaf yng Nghasnewydd ym mis Tachwedd.

Fel rhan o gwrs preswyl dwys Dawns Genedlaethol Ieuenctid Cymru dros yr haf, bydd 20 o ddawnswyr ifanc mwyaf talentog Cymru yn dod at ei gilydd yng Nghaerdydd i ddysgu gan restr o goreograffwyr talentog ac artistiaid dawns. Eleni, am y tro cyntaf, byddant yn gweithio gyda'r coreograffydd clodwiw Mario Bermúdez i greu gwaith newydd sbon sy'n archwilio themâu symudiad llwythol, gweadau a pherthnasoedd yn ystod eu cyfnod preswyl pythefnos o hyd.

Lluniau: Aaron Child

Mae Mario Bermúdez, Cyfarwyddwr Artistig a Choreograffydd Marcat Dance, yn grëwr toreithiog sydd wedi datblygu iaith symud adnabyddadwy sy'n enwog am ei chorfforoldeb deinamig a'i heffaith emosiynol hirhoedlog. Mae ei waith eisoes wedi cael ei berfformio gan nifer o gwmnïau rhyngwladol gan gynnwys Cwmni Dawns Cenedlaethol Cymru.

Dywedodd Jamie Jenkins, Cynhyrchydd Dawns Genedlaethol Ieuenctid Cymru: “Mae'r cydweithrediad hwn yn cynrychioli cydgyfeiriant cyffrous o dalent, creadigrwydd ac ymroddiad. Mae'n destament i'r ymgais ddiflino am ragoriaeth artistig sy'n diffinio Dawns Genedlaethol Ieuenctid Cymru. “

Bydd y dawnswyr ifanc hefyd yn gweithio gyda'r coreograffydd o Gymru, a chyn-fyfyriwr DGIC, Daisy Howell — gan greu gwaith newydd ar gyfer ffilm wedi'i ddylanwadu gan ddiwylliant rêf ac egni a natur chwareus symud.

Bydd yr aelodau hefyd yn elwa o ddosbarthiadau dyddiol a rhaglen les lawn. Bydd y dawnswyr ifanc 16-22 mlwydd oed o Gymru yn elwa o'r rhaglen, gan ddarparu cyfleoedd hyfforddi a pherfformio o'r radd flaenaf. Dewiswyd y dawnswyr drwy glyweliad, gyda chlyweliadau yn cael eu cynnal mewn lleoliadau ym mhob rhan o Gymru — yn cynrychioli'r gorau o dalentau ifanc Cymru.

Gwaith Newydd gan Mario Bermúdez

Bydd y gwaith newydd hwn, fydd yn cael ei berfformio gan gwmni DGIC 2023, yn cael ei berfformio am y try cyntaf erioed yng Nglan yr Afon, Casnewydd, ddydd Gwener 3 a dydd Sadwrn 4 Tachwedd 2023. Bydd y gwaith yn un o dri darn fydd yn cael eu perfformio bob nos, gyda gweithiau gan Gyfarwyddwr Artistig Ballet Cymru Darius James a'r coreograffydd Marcus Jarrell Willis yn cael eu perfformio gan gwmni dawns Ballet Cymru.

Rhaglen drwy gydol y flwyddyn Dawns Genedlaethol Ieuenctid Cymru

Dim ond un rhan o raglen waith Dawns Genedlaethol Ieuenctid Cymru yw cwrs preswyl yr haf, gan gynnwys:

-       Aelodau DGIC yng Ngŵyl U.Dance 2023 — Fe wnaeth aelodau DGIC, Isaac a Layla, goreograffu a pherfformio eu deuawd eu hunain fel rhan o Ŵyl Genedlaethol U.Dance yn Newcastle. Fel rhan o ddathliad o ddawns ieuenctid o bob cwr o'r DU, a gyflwynwyd gan One Dance UK, bu Isaac a Layla yn cynrychioli Cymru ar Lwyfan y Gogledd, gan swyno cynulleidfaoedd o bob cwr o'r DU. Roedd eu gwaith nid yn unig yn dangos eu gallu technegol eithriadol, ond hefyd eu dawn dweud stori trwy berfformio.

Wrth sôn am y perfformiad, dywedodd Jamie Jenkins, Cynhyrchydd DGIC: “Rydym ni’n hynod falch o'r ddau ddawnsiwr nodedig hyn o Gymru sydd wedi cynrychioli ein cenedl gyda chymaint o geinder ac angerdd ar Lwyfan y Gogledd, Newcastle. Mae eu taith i Ŵyl Genedlaethol Dawns U yn destament i'w gwaith caled.”

-       Celtic Collective — bellach yn ei thrydedd flwyddyn, mae'r rhaglen gyfnewid hon gyda Chwmni Dawns Ieuenctid Cenedlaethol yr Alban yn rhoi cyfle i berfformwyr ifanc yn y ddwy wlad ddysgu gan y naill a’r llall a gan artistiaid proffesiynol gwahanol. Yn 2023, mae un dawnsiwr o Gymru eisoes wedi profi bywyd ar daith fel dawnsiwr cwmni gyda NYDCS, gan gynnwys perfformio yng Ngŵyl Ddawns Ieuenctid Dulyn — a bydd un dawnsiwr o'r Alban yn perfformio fel rhan o gwmni DGIC yn y cwrs preswyl eleni a'r perfformiad cyntaf yn y byd yng Nglan yr Afon, Casnewydd.

Mae Dawns Genedlaethol Ieuenctid Cymru yn un o'r chwe ensembles ieuenctid cenedlaethol sy’n cael eu cyflwyno gan Gelfyddydau Cenedlaethol Ieuenctid Cymru, yr elusen ar gyfer perfformwyr ifanc a phobl greadigol 11-25 mlwydd oed yng Nghymru. Mae Celfyddydau Cenedlaethol Ieuenctid Cymru yn derbyn cyllid rheolaidd gan Gyngor Celfyddydau Cymru, fel aelod o Bortffolio Celfyddydol Cymru.

Celfyddydau Cenedlaethol Ieuenctid Cymru yn penodi Evan Dawson yn Brif Weithredwr Newydd

Mae Celfyddydau Cenedlaethol Ieuenctid Cymru, yr elusen genedlaethol ar gyfer perfformwyr a phobl ifanc greadigol 11-25 oed, wedi penodi Evan Dawson yn Brif Weithredwr newydd.

Bydd Evan yn dechrau ar ei swydd gyda Celfyddydau Cenedlaethol Ieuenctid Cymru (CCIC) ym mis Hydref 2023.

Mae Evan, sy’n Gymro Cymraeg a aned yng Nghaerdydd, wedi gweithio fel Prif Swyddog Gweithredol Live Music Now ac, yn fwy diweddar, fel Prif Swyddog Gweithredol y Gymdeithas Ffotograffig Frenhinol – lle y datblygodd strategaeth a hunaniaeth gynhwysol newydd, ei rhaglen ieuenctid gyntaf a chyfres o brosiectau celfyddydau gweledol a llesiant.

Yn sacsoffonydd a phianydd, roedd ei hyfforddiant cerddorol ef ei hun yn cynnwys grwpiau cerddoriaeth sirol De Morgannwg, cyn ymuno â’r Gerddorfa Jazz Genedlaethol Ieuenctid a threuliodd flwyddyn yn astudio jazz a cherddoriaeth stiwdio yng Ngholeg Cerdd a Drama y Guildhall. Ers hynny mae wedi arwain ei fand mawr 50 offeryn ei hun, mae wedi gwirfoddoli fel arweinydd cerddoriaeth ar brosiect ystâd dai ac wedi cyfansoddi cerddoriaeth ar gyfer y teledu a pherfformiadau byw.

Evan Dawson (ar y chwith), Prif Weithredwr newydd CCIC, a David Jackson (ar y dde), Cadeirydd Bwrdd Ymddiriedolwyr CCIC, yn yr ymarferion ar gyfer taith haf Cerddorfa Genedlaethol Ieuenctid Cymru

Bydd gwaith Evan yn adeiladu ar etifeddiaeth gref Gillian Mitchell, a ymunodd â CCIC fel Prif Weithredwr yn 2018. Gadawodd Gillian CCIC ym mis Gorffennaf 2023 i ymgymryd â rôl Cyfarwyddwr Prosiect ar gyfer Oriel Celf Gyfoes Genedlaethol Cymru.

““Rwy’n teimlo’n gyffrous o gael y cyfle i helpu i arwain y sefydliad i’r bennod nesaf””

— Evan Dawson

Gan sôn am ei benodiad, dywedodd Evan Dawson: “Rwy’n falch iawn o ymuno â Chelfyddydau Cenedlaethol Ieuenctid Cymru fel Prif Weithredwr newydd.  Ers ei sefydlu yn 2017, mae David a Gillian wedi datblygu tîm angerddol a medrus iawn o ymddiriedolwyr ac aelodau o staff, sy’n cyflwyno profiadau celfyddydol ysbrydoledig i filoedd o bobl ifanc.  Mae angen y gwaith pwysig hwn nawr yn fwy nag erioed o’r blaen.

“Rwy’n teimlo’n gyffrous o gael y cyfle i helpu i arwain y sefydliad i’r bennod nesaf, gan ddatblygu llwybrau i ystod eang o ddiwydiannau creadigol a helpu pobl o bob cefndir i gysylltu a ffynnu drwy ddigwyddiadau celfyddydol rhyfeddol a chydweithredol.  Yn ystod y blynyddoedd nesaf byddwn yn gweithio mewn partneriaeth â sefydliadau ac artistiaid ledled Cymru, gan feithrin gyda’n gilydd wlad hyderus a chyfoes, lle y gall pob person ifanc dawnus ffynnu.”

Dywedodd David Jackson, Cadeirydd Bwrdd Ymddiriedolwyr CCIC: “Rydym wrth ein bodd bod Evan yn ymuno â Chelfyddydau Cenedlaethol Ieuenctid Cymru fel Prif Swyddog Gweithredol newydd.  Gyda’i arbenigedd eang yn y celfyddydau, busnes a gweinyddiaeth, ef yw’r person delfrydol i arwain CCIC i ddyfodol sy’n argoeli i fod yn gyffrous a heriol.

““Rydym wrth ein bodd bod Evan yn ymuno â Chelfyddydau Cenedlaethol Ieuenctid Cymru...ef yw’r person delfrydol i arwain CCIC i ddyfodol sy’n argoeli i fod yn gyffrous a heriol.””

— David Jackson, Cadeirydd Bwrdd Ymddiriedolwyr

“Mae’n cymryd yr awenau oddi wrth ein Prif Weithredwr, Gillian Michell, sydd wedi datblygu’r elusen yn wych, gan adael cyfleoedd rhagorol i Evan adeiladu arnynt, ac rwy’n hyderus y bydd yn cyflwyno ei frand ei hun o wychder creadigol i’r rôl.  Mae fy nghyd-ymddiriedolwyr a minnau’n edrych ymlaen yn fawr iawn at gael gweithio gydag ef.”

Mae Celfyddydau Cenedlaethol Ieuenctid Cymru yn elusen gofrestredig, ac mae'n derbyn cyllid rheolaidd gan Gyngor Celfyddydau Cymru, fel aelod o Bortffolio Celfyddydol Cymru.

Evan Dawson – bywgraffiad llawn

Ganed Evan yng Nghaerdydd, a mynychodd ysgolion Cymraeg, cyn cwblhau gradd yn y gyfraith yng Ngholeg Prifysgol Llundain, a chymhwyso fel cyfreithiwr gyda Mishcon de Reya. Yna cwblhaodd MA mewn Rheolaeth yn y Celfyddydau ym Mhrifysgol Dinas Llundain, gan arbenigo mewn effeithiau addysgol a chymdeithasol y celfyddydau.

Mae Evan yn chwarae’r sacsoffon a’r piano, ac mae ganddo ddiddordeb yn y theatr, llenyddiaeth, ffotograffiaeth a gwneud ffilmiau.  Wrth dyfu i fyny, fe wnaeth elwa ar gyfleoedd cerddoriaeth enwog sir De Morgannwg yn y 1980au a’r 90au, gan gynnwys y Band Chwyth Ysgolion Uwchradd a band mawr “Jazz News”.  Yn dilyn hyn, ymunodd â’r Gerddorfa Jazz Genedlaethol Ieuenctid a threuliodd flwyddyn ôl-raddedig yng Ngholeg Cerdd a Drama y Guildhall yn astudio jazz a cherddoriaeth stiwdio.  Arweiniodd ei fand mawr 50 offeryn ei hun yn Llundain, a bu’n gwirfoddoli fel tiwtor cerddoriaeth i blant ar Ystâd Dai Aylesbury.  Mae hefyd wedi cyfansoddi cerddoriaeth ar gyfer rhaglenni teledu, gan gynnwys y diwn thema pedwarawd llinynnol ar gyfer “Only Connect” BBC Two (a ffilmiwyd yng Nghaerdydd) ac anthem gorawl (gyda band pres) ar gyfer yr Olympiad Diwylliannol yn 2012, a chwaraewyd am y tro cyntaf yn Neuadd Dora Stoutzker.

Yn ei yrfa broffesiynol, bu Evan yn Bennaeth Datblygu yn Making Music, yn datblygu polisi celfyddydau ac iechyd, yn ymchwilio i effaith grwpiau canu cymunedol ledled y wlad, a chomisiynu llawer o ddarnau newydd ar gyfer cerddorfeydd a chorau.  Yna cafodd ei benodi’n Brif Swyddog Gweithredol Live Music Now (LMN), sy’n cyflenwi gwaith ar sail tystiolaeth mewn ysgolion, lleoliadau gofal iechyd a chymunedau ledled y DU, gan weithio gyda 350 a mwy o gerddorion llawrydd bob blwyddyn.  Yn 2019, o dan ei arweinyddiaeth, cyrhaeddodd LMN rownd derfynol Elusen y Flwyddyn fel cydnabyddiaeth o’i gwaith gydag ysgolion arbennig.  Mae wedi cyflwyno gwaith ymchwil ar y celfyddydau ac iechyd yn Nhŷ’r Arglwyddi, y Gymdeithas Feddygaeth Frenhinol, Oriel Sydney New South Wales ac (yn Gymraeg) yng Nghynulliad Cymru.  Yn dilyn hynny, fe’i penodwyd yn Brif Swyddog Gweithredol y Gymdeithas Ffotograffig Frenhinol, lle y creodd strategaeth a hunaniaeth gynhwysol newydd, ei rhaglen ieuenctid gyntaf a chyfres o brosiectau ar y celfyddydau gweledol a llesiant.  Mae hefyd wedi bod yn Gynghorydd Cenedlaethol i Gyngor Celfyddydau Cymru, ac yn ymgynghorydd gwerthuso i Sefydliad Cymunedol Quartet ym Mryste.

Llongyfarchiadau i enillwyr ein gwobrau Cerddorfa a Band Pres 2023

Bob blwyddyn ar ein preswyliadau, rydym yn dathlu ein cerddorion sy'n dangos yr addewid a'r ymroddiad mwyaf. Y tiwtoriaid adrannol sy'n penderfynu pwy sy'n derbyn pob gwobr yn ystod y cyfnodau preswyl.

Hoffai Celfyddydau Cenedlaethol Ieuenctid Cymru rhoi diolch i'r rhai sydd wedi rhoi arian i greu'r gwobrau hyn.

Band Pres Cenedlaethol Ieuenctid Cymru

Tlws Coffa John Childs

Dyfarnwyd i’r chwaraewr mwyaf addawol ar y cwrs preswyl eleni

Ellie Carlsen

Gwobr David Mabey

Dyfarnwyd i’r chwaraewr sydd wedi gwella fwyaf ar y cwrs preswyl

Sion Lloyd

Tlws y Prif Gornet

Rhoddir gan Tony Small

Erin Maloney & Elizabeth Rogers

Cerddorfa Genedlaethol Ieuenctid Cymru

Gwobr Haydn Davies

Dyfarnwyd i’r chwaraewr mwyaf addawol sy’n dal i fod ym myd addysg

Jacob Adams (Corn Ffrengig)

Gwobrau Irwyn Walters (Ffrindiau CGIC)

Dyfarnwyd i’r ddau chwaraewr llinynnol mwyaf addawol yn y cwrs preswyl eleni

Rhys Nicholson (soddgwrth) a Luke Doyle (feiolin)

Gwobr Wil Jones

Dyfarnwyd i’r chwaraewr chwythbrennau mwyaf addawol yn y cwrs preswyl eleni

Catrin Davies (clarinet)

Gwobr Goronwy Evans

Dyfarnwyd i'r chwaraewr pres mwyaf addawol yn y cwrs preswyl eleni

Dafydd Owen (tiwba)

Gwobr Telyn Tony Moore

Dyfarnwyd i’r telynor mwyaf addawol yn y cwrs preswyl eleni

Erin Fflur Jardine

Gwobr Offerynnau Taro Tony Moore

Dyfarnwyd i’r chwaraewr offerynnau taro mwyaf addawol yn y cwrs preswyl eleni

Nathan Corish

Gweld dyfodol Celfyddydau Cymru. Celfyddydau Cenedlaethol Ieuenctid Cymru yn cyhoeddi digwyddiadau haf 2023.

Mae perfformwyr ifanc hynod dalentog Cerddorfa Genedlaethol Ieuenctid Cymru, Band Pres Cenedlaethol Ieuenctid Cymru, Côr Cenedlaethol Ieuenctid Cymru, Theatr Cenedlaethol Ieuenctid Cymru a Dawns Genedlaethol Ieuenctid Cymru yn barod i ddangos eu hangerdd a'u potensial.

Yr haf hwn, bydd dros 230 o actorion, cerddorion, a chantorion ifanc 16-22 oed yn perfformio mewn cyngherddau a chynyrchiadau ledled Cymru.

28 – 30 Gorffennaf, bydd Band Pres Cenedlaethol Ieuenctid Cymru yn perfformio mewn cyngherddau ym Mangor, Aberystwyth a Chaerdydd.

Wedi'i arwain gan Paul Holland, bydd band pres yn dangos ei hyblygrwydd gyda darnau sy'n cynnwys High Peak gan Eric Ball, Five Blooms in a Welsh Garden gan Gareth Wood ynghyd â cherddoriaeth gan Debussy, Walton a Paul Lovatt-Cooper. Mae’r unawdydd cornet a’r seren newydd o Wlad Belg, Lode Violet, yn dod â’i ddawn ifanc ei hun i’r arlwy.

1 – 5 Awst, bydd Cerddorfa Genedlaethol Ieuenctid Cymru yn perfformio mewn digwyddiadau ym Mangor, Llanbedr Pont Steffan a Chaerdydd, yn ogystal â dwy ŵyl, yn Nhyddewi.

Wedi'i harwain gan Carlo Rizzi, bydd y gerddorfa yn mynd â chynulleidfaoedd ar daith drwy ardaloedd gwledig gwlad Tsiec gyda Vltava o Má vlast gan Smetana. Bydd hefyd yn perfformio Four Last Songs gan Richard Strauss gyda'r soprano Elizabeth Llewellyn, a Symffoni Rhif 5 gan Shostakovich.

25 – 28 Awst, bydd Côr Cenedlaethol Ieuenctid Cymru yn perfformio mewn cyngherddau ym Mangor a Chaerdydd, yn ogystal â gŵyl yn Nhyddewi.

Mae cantorion CCIC wedi cael dweud eu dweud gan lunio rhaglen o'u ffefrynnau ar gyfer y cyngherddau eleni. Bydd cynulleidfaoedd yn cael blas ar bopeth o gerddoriaeth atmosfferig Eric Whitacre i alawon hyfryd cyfansoddwyr Cymreig. Bydd hyd yn oed drefniant o un o ganeuon chwedlonol Stevie Wonder i'w glywed hefyd. Tim Rhys-Evans, sy'n fwyaf adnabyddus am ei waith gydag Only Men Aloud ac Only Boys Aloud, yw'r arweinydd.

31 Awst – 2 Medi, bydd addasiad newydd o glasur Dylan Thomas ar gyfer lleisiau ifanc beiddgar Theatr Cenedlaethol Ieuenctid Cymru, Dan y Wenallt / Under Milk Wood, yn cael ei llwyfannu yn Theatr y Sherman yng Nghaerdydd.

Daw byd telynegol Llaregubb a'r Gymru gyfoes ynghyd mewn cydblethiad o'r Gymraeg a'r Saesneg, a fydd yn fwrlwm o gerddoriaeth, meicroffonau a phedalau dolen. Cafodd y cynhyrchiad hynod wreiddiol hwn ei addasu gan Mari Izzard, yn seiliedig ar ddrama wreiddiol Dylan ar gyfer lleisiau a chyfieithiad Cymraeg gan T James Jones. Emma Baggott yw'r cyfarwyddwr.

Mae rhywbeth at ddant pawb yn yr arlwy yr haf hwn. Cyfle gwych i brofi, a chefnogi, angerdd ac addewid perfformwyr ifanc o bob cwr o Gymru.

Bwrw goleuni ar Iechyd Meddwl mewn Perfformio yn ystod Wythnos Ymwybyddiaeth Iechyd Meddwl 2023.

Gall llawer o berfformwyr ifanc ganfod eu bod yn wynebu trafferth gyda gorbryder wrth berfformio, yn enwedig ers pandemig Covid-19. Gan ei bod hi’n Wythnos Ymwybyddiaeth Iechyd Meddwl, a'r thema eleni yw Gorbryder, roedden ni am rannu ein hoff ffeithlenni i'ch helpu i berfformio'n hyderus, ac adnoddau i'ch cyfeirio at y cymorth cywir.

Ers Covid, bu cynnydd cyffredinol mewn gorbryder, ac fel sefydliad creadigol, rydyn ni’n annog ein haelodau i godi llais gan groesawu'r sgwrs ynghylch lles meddyliol.

““Roedd bod yn aelod o CCIC yn werthfawr iawn i fy iechyd meddwl dros y cyfnod clo... Roedd dychwelyd i waith preswyl wyneb yn wyneb yn 2022 yn brofiad anhygoel, ac fe wnaeth hyn fy helpu i adennill llawer o’r hyder roeddwn i wedi’i golli dros y cyfnod clo.””

— Aelod Preswyl CCI.

Beth yw gorbryder perfformio? Beth yw'r symptomau?

Fel y disgrifiwyd gan Mind UK (2021) "Gorbryder yw'r hyn rydyn ni'n ei deimlo pan rydyn ni'n poeni, dan straen neu'n ofnus - yn enwedig am bethau sydd ar fin digwydd, neu rydyn ni'n meddwl y gallen nhw ddigwydd yn y dyfodol. Mae gorbryder yn ymateb dynol naturiol pan fyddwn ni’n teimlo ein bod dan fygythiad. Gellir ei brofi drwy ein meddyliau, ein teimladau ac yn gorfforol." Gall hyn arwain at ofn camu i’r llwyfan, pyliau o banig, dryswch, ymhlith symptomau eraill.

Pa gyngor fyddech chi'n ei roi i rywun sy'n teimlo'n orbryderus am berfformio?

Mae rhai aelodau wedi canfod bod ioga, gan ei fod yn ymarfer corff myfyriol, yn eu helpu gyda'u gorbryder perfformio. Beth am leddfu’r pryder a’r straen a chymryd eiliad i edrych ar ôl eich lles corfforol a meddyliol gyda chyfres o sesiynau ioga a meddwlgarwch dan arweinad ganddon ni yma yn Celfyddydau Cenedlaethol Ieuenctid Cymru, dan arweiniad tiwtor ioga preswyl Dawns Genedlaethol Ieuenctid Cymru Jessica Jones.

Gwyliwch yma.

Beth mae CCIC yn ei wneud i helpu?

Mae CCIC yn cymryd llesiant ac iechyd meddwl aelodau a staff o ddifrif. Yn ystod preswylfeydd, mae gan CCIC staff lles sydd â phrofiad o berfformio. Ochr yn ochr â hyn, yn ystod cyfnodau preswyl rydyn ni’n cynnal dosbarthiadau ioga i aelodau gan wneud ymarfer iach yn rhan o’r preswyliadau.

Adnoddau defnyddiol:

Musiciains Union

Rheoli Pryder Perfformiad

Wythnos Ymwybyddiaeth Iechyd Meddwl 2023

Lansiad Rhaglen Llwybrau Proffesiynol 2023 Theatr Cenedlaethol Ieuenctid Cymru

Y mis hwn, rydym ni’n edrych yn ôl ar lansiad Rhaglen Llwybrau Proffesiynol Theatr Cenedlaethol Ieuenctid Cymru 2023, sy’n cael ei rhedeg mewn partneriaeth â'n cydweithwyr hirdymor Theatr Clwyd.

Lluniau gan Kirsten McTernan Photography

Ym mis Ebrill, cymerodd 53 o'n haelodau Theatr Cenedlaethol Ieuenctid Cymru 2023 ran mewn cwrs preswyl tridiau yng Nghaerdydd (gyda chefnogaeth Canolfan Mileniwm Cymru) fel cam cyntaf y cynnig aelodaeth cynyddol hwn gan ThCIC. Wedi'i gynllunio i ehangu sgiliau ac ymwybyddiaeth o lwybrau gyrfa o fewn theatr, ffilm a'r byd digidol, daeth y grŵp at ei gilydd i ddysgu am adrodd straeon trochol yn ei holl ffurfiau.

“Roedd y tiwtoriaid yn gyfeillgar iawn, ac mae’r cyfnod preswyl wedi fy helpu tuag at fy ngwaith yn y theatr yn y dyfodol drwy
ddatblygu fy sgiliau.
”

— Aelod o Llwybrau Proffesiynol ThCIC.

Gyda chyllid gan Lywodraeth Cymru drwy Cymru Greadigol, rydym ni wedi ehangu ein cynnig Llwybrau Proffesiynol eleni i gynnwys hyfforddiant sgiliau penodol ar waith digidol a sgrin gan gynnwys gweithdai gan arloeswyr Darkfield Studios, a sesiynau ymarferol ar glyweliadau hunan-dâp ar gyfer y sgrin a'r llwyfan gyda'r actor sgrin a'r hwylusydd Dean Fagan.

Lluniau gan Kirsten McTernan Photography

Beth yw eich uchafbwynt o'r cyfnod preswyl?

“Mae’r cyfan wedi bod yn wych iawn. Rydym ni wedi cwrdd â chymaint o bobl a gweithwyr creadigol wahanol o bob math o gyfryngau.”

— Aelod o Llwybrau Proffesiynol ThCIC.

“Roeddwn i wrth fy modd â’r persbectif newydd a roddodd i mi”

— Aelod o Llwybrau Proffesiynol ThCIC

Cynhaliwyd gweithdai yn ystod y cyfnod preswyl gan amrywiaeth eang o artistiaid a chwmnïau gyda ffocws ar y grefft o adrodd straeon trochol. Roedd y rhain yn cynnwys sesiynau gydag Amie Burns Walker a'r cynhyrchiad safle-benodol sydd ar y gweill yn Theatr Clwyd o The Great Gatsby, sgiliau symud a pherfformio gyda'r tîm o Theatr Clwyd ynghyd â chipolwg ar sut mae WMC yn arwain y ffordd mewn perfformiad trochol digidol yng Nghymru.

Diolch i'r holl aelodau a staff a gymerodd ran mewn cyfnod preswyl llwyddiannus arall. Edrychwn ymlaen at eich croesawu yn ôl y flwyddyn nesaf!

Beth sydd Nesaf?

Bydd camau nesaf y rhaglen Aelodaeth Llwybrau Proffesiynol yn cynnwys ein Clwb Darllen Dramâu poblogaidd (gyda'r curadu Cymraeg wedi'i gefnogi gan Theatr Genedlaethol Cymru a'r awdur Rebecca Jade Hammond yn curadu'r rhaglen waith Saesneg) ynghyd ag amrywiaeth o weithdai gwneud theatr a chefn llwyfan yng Ngogledd a De Cymru sy'n gysylltiedig â chynyrchiadau o bob cwr o Gymru yn Gymraeg a Saesneg a gefnogir gan RWCMD a Theatr Clwyd.

Os ydych chi'n gynhyrchydd, yn lleoliad neu'n gwmni theatr sy'n ymwneud â theatr ym mha bynnag ffordd ac yn dymuno agor eich perfformiadau i'n carfan, cysylltwch â ThCIC.

I gael rhagor o wybodaeth, cofrestrwch ar gyfer ein rhestr bostio neu e-bostiwch nyaw@nyaw.org.uk.

Mae Celfyddydau Cenedlaethol Ieuenctid Cymru yn partneru â Chanolfan Mileniwm Cymru i gyflwyno Hard Côr

Grŵp lleisiol i bobl ifanc yw Hard Côr, sy’n dod â phobl 16–25 oed sy’n byw yng Nghaerdydd ynghyd i ganu, rapio, bît-bocsio a chreu cerddoriaeth gyda’i gilydd.

Caiff aelodau’r grŵp eu dylanwadu gan ystod o arddulliau cyfoes, gan gynnwys hip-hop, grime, rap a RnB, ac maen nhw’n dathlu byd cerddoriaeth arloesol Cymru.

Diben y grŵp yw ehangu cyfleoedd i wneuthurwyr cerddoriaeth ifanc a thalentog o Gymru sydd am ganu a lleisio mewn arddulliau annhraddodiadol ar y lefel uchaf, gan eu galluogi i weithio gyda rhai o ymarferwyr cerddorol mwyaf gwefreiddiol y wlad.

“Roedd yn teimlo fel teulu a chymuned arall llawn amrywiaeth.”

— Aelod Hard Côr, 2022

Fideo trwy garedigrwydd Canolfan Mileniwm Cymru.

Gwnaeth tri hwylusydd a oedd yn arbenigo mewn meysydd gwahanol arwain a chefnogi’r prosiect cyntaf yma, sef:

Dionne Bennett – canwr soul (canu)

Tumi Williams – MC, awdur geiriau a Chydymaith Creadigol yng Nghanolfan Mileniwm Cymru (‘mcing’)

Matthew Hann – bîtbocsiwr a hwylusydd celfyddydau (bîtbocsio)

Am fwy o wybodaeth cofrestrwch ar gyfer ein rhestr bostio neu e-bostiwch nyaw@nyaw.org.uk neu education@wmc.org.uk. Mae Hard Côr yn brosiect ar y cyd rhwng Canolfan Mileniwm Cymru a Chelfyddydau Cenedlaethol Ieuenctid Cymru.