Mae CCIC yn derbyn ceisiadau gan bobl 16 – 22 sy'n byw/astudio'n llawn amser yng Nghymru neu a anwyd yng Nghymru  sy’n barod i fynd a’u sgiliau creadigol, perfformio a thechnegol i’r lefel nesaf. 

Efallai dy fod… 

• yn astudio neu’n cymryd rhan mewn drama / perfformio yn dy ysgol neu goleg 

• mewn ysgol ddrama ac yn paratoi ar gyfer y cam nesaf yn dy yrfa 

• yn cymryd rhan mewn theatr ieuenctid neu theatr gerdd yn dy ardal 

• yn berson creadigol llawn angerdd sy’n chwilfrydig ynghylch adrodd straeon y tu ôl i’r llenni a sgiliau cefn llwyfan. 

Mae hyn yn golygu y gallech gael clyweliad yn 15 oed, cyn belled â'ch bod yn 16 oed erbyn y dyddiad hwn.  

Ar gyfer preswyliadau 2026 rhaid i gyfranogwyr fod rhwng 16 a 22 oed ar 31 Awst 2026. Mae hyn yn golygu y gallech gael clyweliad yn 15 oed, cyn belled â'ch bod yn 16 oed erbyn y dyddiad hwn.  

Mae rhaid I chi fod o dan 23 erbyn y 19 o Offennaf.

I gael unrhyw gwestiynau am ein meini prawf cymhwysedd, anfonwch e-bost: nyaw@nyaw.org.uk 

Ar ôl i chi glicio’r botwm Bwcio Clyweliad, byddwch yn cael eich tywys i’r ffurflen archebu clyweliad i’w chwblhau. 

Bydd y ffurflen gais yn gofyn cwestiynau am eich profiadysgol, coleg a pherfformio fydd yn ein helpu yn ystod dy glyweliad.  

Bydd y ffurflen gais yn gofyn i chi uwchlwytho llun pen ac ysgwydd diweddar o’ch hun (gall hwn fod yn hunlun / llun wedi ei dynnu ar ffôn) (Dim mwy na 4MB).

Ni ddylai gymryd mwy na tua 10 munud i’w chwblhau. 

Codir tâl o £25 am bob clyweliad, ond gallwch ddewis clyweliad am ddim os ydych yn wynebu unrhyw rwystrau ariannol.

Os ydych yn talu’r tâl clyweliad, anfonir dolen dalu ichi trwy e-bost unwaith ichi gyflwyno’r ffurflen. 

Mae’n bosibl y caiff amseroedd eu newid rywfaint ond fe anfonwn e-bost atat i gadarnhau dyddiad ac amser dy glyweliad o leiaf 2 wythnos cyn dyddiad y clyweliad. 

Byddwn yn eich e-bostio i lanlwytho eich dewis o fonolog i’w hanfon atom erbyn 15 Mawrth fan bellaf. 

Os oes gennyt unrhyw gwestiynau, neu broblemau gyda’r ffurflen gais newydd, cofia e-bostio auditions@nyaw.org.uk  

Mae clyweliad 3 awr yn costio £25 – mae hyn yn mynd tuag at ein gwaith gweinyddol, llogi lleoliad a ffioedd panel. Gallwn gynnig Clyweliadau Am Ddim i bawb na allant fforddio hyn am ba bynnag reswm. Ticiwch ‘Bwrsariaeth’ ar y ffurflen os na allwch dalu ffi’r clyweliad am resymau ariannol. 

Ethos ein clyweliadau yw datblygu amgylchedd cefnogol ac anogol lle rydych yn teimlo yn hyderus i archwilio a darganfod eich potensial gyda’r grŵp. Rydym wedi eu cynllunio fel gweithdai grŵp bach, cyfeillgar 3 awr yn cael eu harwain gan banel proffesiynol ynghyd a staff ThCIC.   

Rydym yn gweithio yn ddwyieithog a chroesawn ddefnydd o’r Gymraeg, Saesneg a BSL yn ein clyweliadau.   

Mae pob clyweliad yn cael ei rhedeg yn ddwyieithog, a chroesawn ddefnydd o’r Gymraeg, Saesneg a BSL yn ein clyweliadau.   

Gwisgwch ddillad cyfforddus y gallwch symud yn rhwydd ynddynt.  

Dylech ddod â photel ddŵr a/neu ddiodydd oer o’ch dewis (nid pop), ac unrhyw ffrwythau/byrbrydau angenrheidiol i’ch cynnal drwy’r clyweliad.    

Bydd y clyweliad yn para 3 awr  gydag egwyl fyr.  

Bydd yn cynnwys symudiad, actio, gwaith grŵp ynghyd ag ymarferion llais a cherddoriaeth a ni fydd angen i chi baratoi dim ymlaen llaw ar gyfer yr elfen hon. Bydd cyfle hefyd i baratoi ar gyfer y fonolog / araith yn ystod y gweithdy.   

Bydd rhan monolog y clyweliad yn rhan fach ond gwerthfawr o’r clyweliad. Byddwn yn gwneud rhywfaint o waith yn ystod y gweithdy i  baratoi ar gyfer yr adran hon, felly peidiwch bod yn nerfus!   

PANELU 

Bydd y clyweliadau yn cael eu harwain gan banel o aelodau cyswllt CCIC sydd yn broffesiynol o fewn y diwydiant a staff CCIC.   

IAITH 

Bydd y clyweliad yn cael ei arwain yn ddwyieithog ac mae croeso i chi ddefnyddio'r Gymraeg, Saesneg neu BSL. 

Os oes gennych anghenion dysgu neu mynediad ychwanegol, cysylltwch â auditions@nyaw.org.uk a bydd cynhyrchydd ThcIC mewn cysylltiad.    

FFILMIO

Rydym yn bwriadu ffilmio pob clyweliad wyneb-yn-wyneb eleni i’n cynorthwyo gyda’r detholiadau terfynol.    

Unwaith i’r dyddiad cau basio, byddwn yn e-bostio i gadarnhau manylion eich glyweliad ac yn gofyn i chi anfon eich  ddewis o araith / monolog fer atom (dim hirach na 1 funud a 30 eiliad)   

Cyngor defnyddiol ar gyfer dewis  araith neu fonolog.   

• Cofia ddewis araith a chymeriad o ddrama yr wyt yn gyfarwydd iawn gyda hi ac yn ei hoffi ac sy’n dy adlewyrchu di fel perfformiwr.   

• Meddwl am ble mae dy gymeriad, eu cefndir ac at bwy y maen nhw’n cyfeirio’r araith hon a’r hyn y maen nhw’n ceisio ei gyfleu.   

• Paid dibynnu ar bropiau a chofia osgoi acenion yr wyt ti’n anghyfarwydd â nhw   

• Paid rhedeg dros yr amser – bydd hyn yn rhoi llai o amser iti weithio gyda’r panel ar dy ddarn a dyna’r darn diddorol!   

• Bydd yn agored i gael dy gyfarwyddo a gweithio gyda’r panel i edrych ar yr araith o safbwynt gwahanol a phaid poeni os na fydd hyn yn berffaith – yr hyn yr ydym am ei weld yw dy barodrwydd i roi tro ar bethau ac addasu fel bo angen .  

• Paid poeni am gamgymeriadau, yr hyn sy’n bwysig yw sut y byddi’n dod drostynt ac yn eu defnyddio i wella.   

Os wyt ti angen unrhyw gymorth gyda hyn neu os wyt ti’n ansicr ynghylch beth i’w ddewis, cofia gysylltu gyda ni ar auditions@nyaw.org.uk a byddwn yn barod iawn i dy helpu.   

Does dim angen paratoi unrhyw beth arall ymlaen llaw a’r cyfan yr ydym yn ei ofyn yw dy fod yn gwneud y mwyaf o’r sesiwn trwy fod yn agored, cyflwyno gwaith gyda dy gyd-berfformwyr a mwynhau’r cyfle. 

Unwaith i’r dyddiad cau basio, byddwn yn eich e-bostio i gadarnhau manylion leoliad, dyddida ac amser a sut i gyraedd. Byddwn yn gofyn i chi anfon eich ddewis o araith / monolog fer atom (dim hirach na 1 funud a 30 eiliad)    cyn y dyddiad cau ar 15 Mawrth. 

Byddwch yn derbyn e-bost adborth byr i roi gwybod i ni beth oedd eich barn! 

Byddwch yn derbyn y canlyniad ac unrhyw gynigion yn yr wythnos sy'n dechrau 13 Ebrill a byddwn yn gofyn i chi gadarnhau os ydych am dderbyn y cynnig hwn erbyn dyddiad penodol. 

Cost: £1,100

Mae eich ffi aelodaeth yn cynnwys yr holl gostau dysgu, llety, bwyd a bwrdd, teithio o fewn y preswyliad a gweithgareddau cymdeithasol.  

Diolch i'r gefnogaeth hael gan ein cyllidwyr a'n cefnogwyr, mae Celfyddydau Ieuenctid Cenedlaethol Cymru yn cymhorthdal rhan sylweddol o gostau bod yn aelod o un o'r ensembles ieuenctid cenedlaethol.  

Fodd bynnag, ein nod yw sicrhau nad yw arian byth yn rhwystr i gymryd rhan yn unrhyw un o'n ensembles neu brosiectau. Rydym ni’n deall y gall y cyfraniad hwn fod allan o gyrraedd rhai ymgeiswyr, a dyna pam ein bod yn rhedeg cynllun bwrsariaeth hael sy'n cefnogi lle mae angen cymorth.   

Gallai ein Cronfa Bwrsariaeth helpu i dalu am rywfaint neu eich tâl aelodaeth i gyd, fel na fydd unrhyw un yn cael ei rwystro rhag ymgeisio am le gydag Ensembles CCIC am resymau ariannol. Os yw eich incwm teuluol yn llai na £70,000, gallech fod yn gymwys i dderbyn cymorth ariannol. Ymwelwch â CHRONFA BWRSARIAETH CCIC am wybodaeth lawn, yn cynnwys sut i hawlio cymorth tuag at gostau clyweliadau a thâl aelodaeth.