Band Pres
Cenedlaethol
Ieuenctid Cymru
Mae Eich Llwyfan Yn Aros!
Mae cofrestriadau ar gyfer Band Pres Cenedlaethol Ieuenctid Cymru 2026 bellach AR AGOR!
“Rydym yn edrych ymlaen yn fawr at groesawu'r arweinydd enwog, Philip Harper, yn ôl i arwain y BPCIC yn 2026.
Gweithiodd Philip gyda'r Band ddiwethaf yn 2022 ar ôl datblygu cysylltiad cryf â'r ensemble a'i aelodau dros nifer o flynyddoedd - er gwaethaf seibiant byr oherwydd COVID. Yn ystod ei gyfnod gyda'r Band fe ddaeth â'r gorau o'i gerddorion allan gyda rhaglen amrywiol o gerddoriaeth a oedd yn barod i herio ac ysbrydoli, ac ni allwn aros iddo ddod â'r un egni y flwyddyn nesaf.
Yn ogystal â gweithio gyda Paul, byddwch yn derbyn yr hyfforddiant gorau gan dîm creadigol o'r radd flaenaf ac yn perfformio mewn lleoliadau gwych. Byddwch hefyd yn cael llawer o hwyl ac yn gwneud cyfeillgarwch gydol oes tra'n cael yr anrhydedd o gynrychioli eich gwlad yn gwneud rhywbeth rydych chi'n ei garu. Beth yn rhagor allech chi fod ei eisiau?”
Nodyn gan cynhyrchydd BPCIC
Matthew Jones
Cynhyrchydd Band Pres Cenedlaethol Ieuenctid Cymru
Rhaglen 2026
Arweinydd: Philip Harper
Daeth Philip Harper yn Gyfarwyddwr Cerdd Band Cory yn 2012. Ers hynny mae wedi ennill yr holl dlysau mawr sawl gwaith, gan gynnwys Grand Slam digynsail o deitlau mawr yn 2016: y teitl Ewropeaidd, teitl Agored Prydain, y teitl Cenedlaethol a'r teitl Offerynnau Pres mewn Cyngerdd, i gyd wedi'u hennill mewn un flwyddyn galendr, ac yna ailadrodd hyn yn 2019.
Enillodd Philip Wobr Arweinydd y Flwyddyn 4barsrest.com yn 2013, 2015, 2016, 2019 a 2020. Yn ystod y blynyddoedd diwethaf bu'n arweinydd gwadd Band Manger Musikklag yn Norwy, Bandiau Pres Cenedlaethol Ieuenctid Prydain Fawr, y Swistir a Chymru a Cherddorfa Ffilharmonig Frenhinol Symphonic Brass, ymhlith llawer o rai eraill.
Repertoire: Mae repertoire y flwyddyn nesaf yn dal i gael ei gadarnhau, ond gallwch fod yn dawel eich meddwl ei fod yn cynnwys y cyfuniad arferol o safonau band pres, darnau prawf heriol a ffefrynnau cyngherddau!
Sut i ymuno…
Ymgeisiwch ebryn:
12 Hydref 2025
Clyweliadau:
16 Tachwedd 2025 - 7 Rhagfyr 2025
Dyddiad cau fideo: 30 Tachwedd
Canlyniadau:
*15 Rhagfyr
Clyweliadau:
16 Tachwedd – Gogledd Cymru
23 Tachwedd – Caerfyrddin
6 Rhagfyr – Caerdydd
7 Rhagfyr – Caerdydd
Ymarferion:
Cwrdd â'r Cenedlaetholwyr: Dydd Iau 26 Chwefror (ar-lein)
Dydd Llun 30ain a dydd Mawrth 31 Mawrth (i'w gadarnhau - Caerdydd)
Dydd Sadwrn 15 Awst – Dydd Sul 23 Awst (i'w gadarnhau - Bangor)
Perfformiadau:
Bydd cyngherddau yn cael eu cynnal ar 21ain, 22ain a 23ain o Awst. Mae'r lleoliadau i'w cadarnhau
*Wythnos yn ddechrau
-
Cost: £770
Mae eich ffi aelodaeth yn cynnwys yr holl gostau dysgu, llety, bwyd a bwrdd, teithio o fewn y preswyliad a gweithgareddau cymdeithasol.
Diolch i'r gefnogaeth hael gan ein cyllidwyr a'n cefnogwyr, mae Celfyddydau Ieuenctid Cenedlaethol Cymru yn cymhorthdal rhan sylweddol o gostau bod yn aelod o un o'r ensembles ieuenctid cenedlaethol.
Fodd bynnag, ein nod yw sicrhau nad yw arian byth yn rhwystr i gymryd rhan yn unrhyw un o'n ensembles neu brosiectau. Rydym ni’n deall y gall y cyfraniad hwn fod allan o gyrraedd rhai ymgeiswyr, a dyna pam ein bod yn rhedeg cynllun bwrsariaeth hael sy'n cefnogi lle mae angen cymorth.
Os oes gennych chi incwm aelwyd blynyddol sy’n llai na £125,000, gallai Ein Cronfa Fwrsariaeth helpu i dalu rhywfaint o'ch ffi aelodaeth neu'r cyfan.
Rydym hefyd yn cynnig cynllun talu mewn rhandaliadau.
Ymwelwch â CHRONFA BWRSARIAETH CCIC am wybodaeth lawn.
-
Fel arfer, dylai ymgeiswyr fod o safon gradd 8 er nad oes rhaid i chi fod wedi sefyll arholiad gradd 8 ar adeg y clyweliad. Dylech fod rhwng 16 a 22 oed, ar 31 Awst 2026. (Mae hyn yn golygu y gallech gael clyweliad yn 15 oed, cyn belled â'ch bod yn 16 oed erbyn y dyddiad hwn). Efallai y byddwn yn derbyn cyfranogwyr iau i mewn i'r ensembles ar adegau lle mae talent eithriadol yn cael ei ddangos. Bydd hwn yn ôl disgresiwn CCIC yn unig. Mae'n rhaid eich bod naill ai wedi cael eich geni yng Nghymru a/neu'n byw yng Nghymru ar hyn o bryd, neu'n astudio'n llawn amser yng Nghymru.
Mae CCIC yn cadw'r hawl i wahardd unrhyw un rhag cymryd rhan yn ei ensemblau yn ôl ei ddisgresiwn rhesymol, i'w harfer gan uwch staff neu ymddiriedolwyr.
Ar gyfer unrhyw gwestiynau am ein meini prawf cymhwysedd, anfonwch e-bost at: nyaw@nyaw.org.uk.